sht12020
Ushqimet për fëmijë. Shtohen produktet, por është ende shumë e lartë përmbajtja në sheqerna
Ushqimet për fëmijë në treg janë shumëfishuar ndjeshëm vitet e fundit me një rritje prej 80% të produkteve në dispozicion, por nivelet e sheqerit që përmbajnë këto produkte janë akoma shumë të larta. Kjo është nënvizuar nga studiuesit e Kolegjit të Mjekësisë Veterinare dhe Shkencave të Jetës në Universitetin e Glasgout, në një sondazh të botuar në revistën "Archives of Disease in Childhood". Studimi i vitit 2013 vlerësoi ndryshimet në tregun e ushqimeve për fëmijë në Mbretërinë e Bashkuar në periudhën 2013-2019, duke kryer një studim ndërsektorial të produkteve për fëmijë në dispozicion për blerje në internet dhe në dyqane në vitin 2019.
Ja, si ka ndryshuar tregu
"Në përgjithësi, kemi vërejtur një shtim të ushqimeve për fëmijë, me 84% më shumë marka dhe dyfishin e numrit të produkteve, krahasuar me vitin 2013, duke përfshirë 27 marka që nuk ishin të pranishme në atë kohë", shpjegon bashkautorja Ada Lizbeth Garcia, duke shtuar se në vitin 2019 u identifikuan në shitje gjithsej 898 ushqime për fëmijë. Prej tyre, 611 (68%) ishin produkte të lëngshme, kryesisht të paketuara në qese (54%), ndërsa 253 (28%) ishin të thata.
"Të dhënat e mbledhura tregojnë një rënie prej 23% të produkteve për fëmijë deri në 4 muajsh në vitin 2019, krahasuar me vitin 2013, ndërsa përqindja e produkteve ushqimore për grupmoshën 6-7 muajshe u rrit nga 33% në vitin 2013, në 43 % në 2019-ën", thotë Garcia, duke shtuar se zëmrat e ëmbla jo vetëm që mbetën shumë të ëmbla në vitin 2019, por gjithashtu u rritën ndjeshëm: nga 42 në 2013-në, në 185 në vitin 2019. Në të kundërt, përqindja e ushqimeve të lëngshme për t'u konsumuar në tavolinë, ka rënë nga 79% në 71%, në periudhën 2013-2019.
"Megjithëse nuk ka të dhëna klinike në lidhje me pasojat e ushqimeve për zëmër, në zakonet e ngrënies së fëmijëve në të ardhmen, ekspozimi i vazhdueshëm ndaj sheqernave në kavitetin oral, ka të ngjarë të ketë pasoja negative për ushqyerjen", shkruajnë autorët. Garcia përfundon: "Jo vetëm që nevojiten më shumë kërkime mbi prevalencën dhe shtrirjen e strategjive të marketingut për ushqimin e foshnjave, por mund të jetë e nevojshme një rregullore më e ashpër në lidhje me ambalazhimin, për të dekurajuar përdorimin e ushqimeve të zëmrës për fëmijët."