Kanceri ovarian i avancuar ka një trajtim të ri

tags: Vezorja policistike

Artikuj lidhur

26-09-2023 | Sindroma e vezores policistike. Efektet e dobishme të dietës ketogjenike

16-03-2022 | Sindroma e vezores policistike tek adoleshentet me diabet të tipit 2. Vlerësimi i prevalencës

14-08-2020 | Kanella dhe efektet e saj. Nga ethet, te sindroma e vezores policistike

Administrata e Barnave dhe Ushqimit (FDA) ka aprovuar me procedurë të përshpejtuar Rubraca (rucaparib) për trajtimin e kancerit të vezores së avancuar me mutacion të gjenit BRCA te gratë e trajtuara paraprakisht me dy ose më shumë kimioterapi.
"Ky aprovim - pohon Richard Pazdur, Drejtor i Zyrës së Produkteve për Etimologjinë dhe Onkologjinë në Qendrën për Kërkimin dhe Vlerësimin e Barnave të FDA-së, - përfaqëson shembullin e radhës të zhvillimit të agjentëve të fokusuar për trajtimin e tumoreve të shkaktuara nga mutacione gjenetike specifike. Gratë me këto anomali gjenetike, të cilat kanë provuar të paktën dy trajtime kimioterpaike për tumorin ovarian, kanë tashmë një opsion tjetër".
Instituti Kombëtar i Kancerit në SHBA vlerëson se në 22.280 gra të cilat janë diagnostikuar me kancer ovarian në 2016-n, 14.240 do të vdesin. Rreth 15-20% e pacienteve me karcinomë ovariane ka një mutacion të gjenit BRCA.
Gjenet BRCA janë përfshirë në riparimin e AND-së së dëmtuar dhe normalisht punojnë për të parandaluar zhvillimin e tumorit. Ndërsa mutacionet e tyre mund të çojnë në disa tumore si kanceri ovarian.
Rubraca është një inhibitor i polimerazës (PARP) të ADP-ribozë që bllokon një enzimë të përfshirë në riparimin e ADN-së së dëmtuar. Duke inhibuar këtë enzimë, ADN-ja brenda qelizave kanceroze me gjene BRCA të dëmtuara ka më pak mundësi që të riparohet, duke çuar drejt vdekjes qelizat dhe rrjedhimisht duke ngadalësuar apo ndaluar rritjen tumorale.
Siguria dhe efikasiteti i këtij bari u analizua në dy studime klinike ku morën pjesë 106 gra me tumor ovarian të avancuar BRCA- të mutuar, paraprakisht të trajtuar me dy ose më shumë regjime kimioteripke. Në 54% të pacienteve që morën Rubraca, u asistua një regresion total ose i pjesshëm i tumorit me kohëzgjatje mesatare prej 9.2 muajsh.
Efektet e padëshiruara më të zakonshme përfshijnë të përziera, lodhje, të vjella, anemi, dhimbje barku, konstipacion, mungesë oreksi, diarre, trombocitopeni dhe probleme me frymëmarrjen. Ndërsa efektet e rënda përfshijnë sindroma mielodisplastike dhe dëmet në fetus.
Përveç aprovimit me procedurë të përshpejtuar, FDA e ka cilësuar Rubracan si bar jetim dhe terapi inovative, duke i dhënë statusin e rishikimit prioritar./AIFA