Përdorimi I kodeinës pas lindjes, para dhe mbas rekomandimeve të agjensive regullatore: analizë tek JAMA

tags: bar, Farmakologë

Artikuj lidhur

16-07-2015 | Greqia ndalon eksportin e 25 lloje barnash. Spitalet denoncojnë mungesat

15-07-2015 | Është koha të rishohim bindjet mbi HDL

30-06-2017 | Buprenorfina në injektim me lëshim të zgjatur, efikase në trajtimin e çrregullimit të abuzimit me opiatet

Një studim i disa kërkuesve kanadezë i publikuar në datën 12 Maj te "Jama" ka marrë në konsideratë ndryshimin e përshkrimit në recetën mjekësore të kodeinës për dhimbjet pas lindjes, para dhe pas rekomandimeve të shpërndara mbi rreziqet e mundshme për fëmijën gjatë periudhës së ushqimit me gji, të cilat janë lëshuar nga "Food and Drug Administration" dhe nga Agjensia regullatore kanadeze "Health Canada" në muajt gusht të vitit 2007 dhe në muajin tetor 2008. Kërkuesit kanë verifikuar një reduktim të ndjeshëm të përshkrimit të kodeinës në recetat e ndryshme mbas lajmërimit për rreziqet e mundshme nga ana e agjensive të produktit farmaceutik. Disa pacientë kanë një metabolizëm më të shpejtë se të tjerë në lidhje me kodeinën me një prevalencë që varion nga 2% në 40%. Nënat të cilat ushqejnë me gji dhe njëkohësisht konsumojnë kodeinë mund të vënë në rrezik shëndetin e fëmijës së tyre nëse shfaqin polimorfizëm për një aktivitet të lartë të CYP2D6 dhe izoenzimën e cila shkrin kodeinën në morfinë. Nivele të larta morfine në qumshtin e nënës shkaktojnë vdekjen e foshnjes nga vështirësitë respiratore të shkaktuara edhe nga barnat. Analiza ka marrë në konsideratë një grup prej 225.000 femrash të cilat kanë lindur 320.350 fëmijë të shëndetshëm ndërmjet periudhave nga 1 janari 2002 dhe 31 dhjetori 2011. Në 47.095 raste është përdorur kodeina mbas lindjes, kjo për qëllim që të verifikohej nëse nga rekomandimet e agjensive regulatore për kodeinën, do të verifikoheshin ndryshime në sasinë e përdorimit. Për këtë kontroll janë marrë në konsideratë edhe barna të tjera të përdorura gjashtë muaj mbas lindjes siç janë cefalexina dhe idrokortizoni. Ndërkohë që këto dy barnat e fundit vazhdonin të jepeshin nëpër receta, vërehej një reduktim i ndjeshëm i përdorimit të kodeinës, kjo si pasojë e rekomandimeve të FDA dhe "Health Canada". Shkalla më të cilën është reduktuar përdorimi i kodeinës sugjerojnë se, lajmërimet mbi sigurinë e përdorimit të barnave për dhimbjet post-partum ose pas lindjes, të cilat dalin nga entet rregullatore mund të kenë një influencë të madhe në mënyrën e përdorimit të tyre. Rritja e përdorimit të opioideve të tjera mbas lindjes mund të tregojë zëvendësimin e kodeinës me alternative të tjera terapeutike. Studimi nuk mund të përgjithësohet dhe ka disa kufizime. Rishikimi i përdorimit të barnave zëvendësuese nuk do të thotë domosdoshmërisht që ato barna të përdoren. Gjithsesi nuk asnjë arsye për të besuar se përqindja e barnave të këshilluara në recetë por të cilat më vonë nuk konsumohen, mund të influencojë sistematikisht mbi kohën e përdorimit. Në sitin e "Farmaci e Gravidanza" të AIFA-s jepet përshkrimi i kodeinës dhe përdorimi i saj gjatë 9 muajve të shtatzënisë dhe në ushqyerjen me gji. Skeda tregon se trajtimi i nënës është më doza të ulëta dhe i përshtatshëm me qumështin e gjirit, por prap është i këshilluar një monitorim i vazhdueshëm nga ana e një pediatri.