gus232016
Solucion i ri për trajtimin e kseroftalmisë aprovohet nga FDA
Administrata e Barnave dhe Ushqimit në Shtetet e Bashkuara (FDA) ka aprovuar lifitegrast solucion oftalmik me emrin Xiidra, i tregtuar nga Shire US Inc., Lexington, Masaçustes, për trajtimin e shenjave dhe simptomave të kseroftalmia, apo thatësia okulare. "Xiidra është një klasë e re përbërësish, LFA-1, lymphocyte function-associated antigen 1", pohon Edward Cox, drejtor i zyrës së produkteve antimikrobike në qendrën e FDA-së për vlerësimin dhe kërkimin e barnave, i cili kujton se prodhimi i lotëve është i nevojshëm si për aftësi më të mira vizive dhe për shëndetin e syve.
Kseroftalmia e cila përfshin një grup kushtesh ku syri është i paaftë të prodhojë sasi të përshtatshme lotësh ose i prodhon pa pasur konsistencën e duhur, është një patologji që shtohet me kalimin e moshës, është më e zakonshme mes femrave dhe prek rreth 5% të popullatës në moshë 30-40 vjeç, si dhe 10-15% të personave mbi 65 vjeç.
"Siguria dhe efikasiteti i lifitegrast janë vlerësuar në mbi një mijë pacientë në katër studime të ndryshme të ndara në mënyrë rastësore dhe të kontrolluara. Në to morën pjesë pacientë me moshë 19-97 vjeç, me një numër më të madh grash dhe u ndanë në mënyrë rastësore të merrnin lifitegrast ose kolire placebo dy herë në ditë për 12 javë", pohon eksperti i FDA-së. Dhe nga rezultatet del se në krahasim me kontrollet, lifitegrast nxit një përmirësim domethënës mbi thatësinë okulare, me efekte modeste anësore të tilla si irritime okulare, shikim të mjegulluar, dobësim të aftësisë për të perceptuar dhe dalluar shijet.
Fda - Press announcementshttp://www.fda.gov/NewsEvents/Newsroom/PressAnnouncements/ucm510720.htm