pri42023
Remisioni i pjesshëm i diabetit 1. Identifikohen bioshënjuesit e rinj
Një studim i botuar në revistën "Non-Coding ARN" dhe i koordinuar nga studiuesit e Universitetit Autonom të Barcelonës në Spanjë ka identifikuar molekulat e reja të ARN-së, të quajtura mikroARN, si bioshënjues të fazës së remisionit të pjesshëm të diabetit të tipit 1 (DM1), e njohur gjithashtu si faza e "muajit të mjaltit" duke lidhur në mënyrë specifike mikroRNA-në miR-30d-5p me proceset imunorregullatore që ndodhin në këtë fazë.
"Faza e remisionit të pjesshëm të DM1, e pranishme në shumë pacientë pas fillimit të trajtimit me insulinë, ka ngjallur interes të lartë për shkak të lidhjes së saj me mekanizmat imunorregullatorë dhe rigjenerues të qelizave beta, të shkatërruara në mënyrë progresive nga sistemi imunitar i pacientëve", thotë autorja kryesore e studimit Laia Gomez-Muñoz, duke vënë në dukje se mekanizmat imunë që qëndrojnë në themel të kësaj faze vazhdojnë të jenë të paqartë.
"Ky është studimi i parë që tregon praninë e mikroRNA-së në fazën e remisionit të pjesshëm të DM1", shkruajnë studiuesit, duke shpjeguar se molekula të ndryshme të mikroRNA-së janë të lidhura me rrugë të ndryshme brenda sistemit imunitar, si sinjalizimi i TGF-β, si dhe proceset biologjike që lidhen me patogjenezën e DM1, përfshirë apoptozën qelizore.
Jo vetëm kaq, te minjtë diabetikë, studiuesit demonstruan se mikroRNA miR-30d-5p nga njëra anë redukton shprehjen e gjeneve të përfshira në shumimin e qelizave rregulluese T (T-reg), ndërsa nga ana tjetër është e lidhur me nivelet e larta të PD-1 në qelizat T, një proteinë e cila ka si detyrë ngadalësimin e aktivitetin të tyre. Për më tepër, mikroRNA miR-30d-5p shoqërohet me ulje të infiltrimit të qelizave imune në ishujt e pankreasit dhe ulje të numrit të qelizave T në nyjet limfatike pankreatike.
"Këta bioshënjues të rinj të bazuar në shprehjen e mikroRNA-së mund të jenë të dobishëm për shtresimin e pacientëve në praktikën klinike dhe për shqyrtimin e tyre në provat klinike. Për më tepër, duke qenë se ne mundëm të lidhim për herë të parë një nga këto mikroARN me mekanizmat imunrregullatorë në diabetin e tipit 1, qëllimi ynë është të hedhim dritë si si mbi mekanizmat e remisionit të pjesshëm ashtu edhe mbi vazhdimësinë e fazave të ndryshme të sëmundjes", përfundon Gomez-Muñoz.
Non-Coding RNA 2023. Doi: 10.3390/ncrna9020017
https://doi.org/10.3390/ncrna9020017