FDA aprovon vaksinën antigrip Flublok kuadrivalent

Artikuj lidhur

08-10-2024 | Virusi RSV. Zbulohet struktura kyçe që i hap rrugën zhvillimit të barnave të reja

21-08-2024 | Lija e majmunit. Prof. Dr. Arjan Harxhi: Virusi ka pësuar mutacion këto dy vite. Transmetohet nga njeriu te njeriu

16-08-2024 | OBSH: Patogjenet e reja që mund të shkaktojnë pandeminë e ardhshme

Administrata e Barnave dhe Ushqimit në Shtetet e Bashkuara (FDA) ka aprovuar versionin kuadrivalent të vaksinës antigrip rekombinante pa vezë Flublok të prodhuar nga Protein Sciences. Versioni aktual i disponueshëm për sezonin 2016-2017, ishte projektuar për tre shtame: A/California / 7/2009 (H1N1); A/Hong Kong/4801/2014 (H3N2) dhe B/Brisbane/60/2008 (B/Victoria). Ndërsa formulimi i ri kuadrivalent, i injektueshëm, mbron edhe nga B/Phuket/3073/2013 (B/Yamagata). Flublok kuadrivalent do të jetë i disponueshëm për sezonin 2017-2018 dhe njësoj si vaksina paraardhëse, do të indikohet te të rriturit mbi 18 vjeç.

E rekomanduar në 2013-n si vaksinë alternative te personat me alergji ndaj vezës nga Qendrat për Kontrollin dhe Parandalimin e Sëmundjeve (CDC) dhe më pas e aprovuar në të njëjtin vit nga FDA, Flublok trivalente është e vetmja vaksinë anti-grip në treg e prodhuar me teknologjinë e ADN-së rekombinante. Procesi i sintezës parashikon izolimin nga virusi i gripit të hemaglutininës së gripit (Ha), një proteinë që gjendet në sipërfaqen në virale dhe që si një antigjen shkakton përgjigjen imune.
Hemaglutinina kombinohet më pas me pjesë të viruseve të tjera, kombinimi kultivohet në qelizat e insektit në vend të vezës së zakonshme të pulës dhe në fund proteina Ha mblidhet e pastrohet.

Në një komunikatë për shtyp, kompania prodhuese Protein Sciences e përkufizon Flublok kuadrivalent si një zgjedhje të mirë edhe për të moshuarit dhe personat me sistem imunitar të kompromentuar. Sipas prodhuesit në fakt, përbërja ka një aktivitet të trefishtë krahasuar me kuadrivalentët e tjerë.

Në mbështetje të vaksinës së re, prodhuesi citon një studim në më shumë se 9.000 të rritur mbi 50 vjeç, nga ku doli se të vaksinuarit me Flublok kuadrivalent kanë 40% të mundësive më pak për të zhvilluar simptoma gripale në krahasim me të imunizuarit me Fluarix kuadrivalent të Glaxo SmithKline. Efektet anësore më të zakonshme janë dhimbja dhe inflamacioni i vendit të vaksinimit, cefale dhe asteni.

Fda - Approved Productshttp://www.fda.gov/BiologicsBloodVaccines/Vaccines/ApprovedProducts/ucm335836.htm