Choosing wisely, pesë gabime që radiologët nuk duhet të bëjnë

tags: Choosing wisely, CT skan, menopauzë, D-dimer

Artikuj lidhur

26-08-2014 | Choosing Wisely, edhe për kardiologët një listë me pesë "jo"

12-08-2014 | Choosing wisely: 5 procedura të papërshtatshme për otorinolaringologët

15-07-2014 | “Choosing Wisely” pesë gabimet më të shpeshta të gastroenterologëve

Në radiologji ka procedura që janë të panevojshme, të kushtueshme dhe shpesh të rrezikshme: Kolegji Amerikan i Radiologjisë (ACR) duke aderuar në "Choosing wisely" ka identifikuar 5 më të rëndësishmet.
1) Mos kryeni ekzaminime radiologjike për çefale të pakomplikuara. Pa faktorë specifikë rreziku për ndryshime strukturore nuk ka gjasa për një ndryshim të drejtimit apo përmirësim të outcome. Përveç kësaj, gjetje të rastit çojnë në procedura shtesë dhe kosto të panevojshme që nuk sjellin përfitime për pacientin. Kush kërkon vëmendje të menjëhershme gjendet me ekzaminime klinike të vërtetuara botërisht.
2) Asnjë hetim për emboli polmonare të dyshuar (EP) në mungesë të një pre-testi me mundësi të lartë ose të moderuar. Tromboza venoze e thellë dhe EP janë mjaft të zakonshme në klinikë, por janë të rrallë në mungesë të niveleve të larta të D-dimerit dhe faktorë të tjerë të rrezikut. Edhe Angiografia CT polmonare është e shpejtë dhe e saktë, por ajo ka një rol të kufizuar tek ata që kanë probabilitet të ulët të pre-testit në bazë të kritereve klinike dhe serike. Imaging është i nevojshëm për të konfirmuar ose përjashtuar një EP vetëm tek pacientët me probabilitet të lartë të pre-testit.
3) Shmangni radiografitë (RX) torakale për pranimin ose para operacionit ose në pacientët e jashtëm me një histori apo ekzaminim fizik jo rilevant. Vetëm 2% e skanimeve të tilla sjell ndryshime të menaxhimit. Ekzaminimi është i justifikuar nëse dyshohet për një sëmundje kardiopolmonare akute ose nëse ka histori pozitive mjekësore për sëmundje kronike të qëndrueshme kardiopulmonare në pacientët mbi moshën 70 vjeç pa RX torakal prej gjashtë muajsh.
4) Mos përdorni TC për të vlerësuar një apendisit të dyshuar tek fëmijët pa marrë parasysh ekografinë si opsionin e parë. Nëse rezultatet e ekografisë vihen në dyshim atëherë mund të bëni një TC. Kjo qasje është kosto / efektive, redukton rreziqet potenciale të rrezatimit dhe është shumë e saktë, me një ndjeshmëri dhe specificitet prej 94%.
5) Mos rekomandoni imazheri follow-up për ciste adneksial klinikisht të parëndësishëm(të thjeshta dhe me gjakderdhje në moshën riprodhuese, apo të vogla dhe të thjeshta në postmenopauzë). Kanceri ovarian tipik cistik nuk shfaqet nga këto ciste me aspekt beninj. Në postmenopauzë të përdoret 1 cm si prag për cistet e thjeshta.