qer82016
Tumori në mushkëri, të dhëna pozitive nga studimi i osimertinib
Konfirmime të reja mbi efikasitetin dhe profilin e sigurisë së osimertinib te pacientët me tumor në mushkëri me qeliza jo të vogla (Nsclc) të cilat i janë nënshtruar trajtimit të linjës së parë dhe të dytë, mbërrijnë nga "European Lung Cancer Conference 2016". Lidhur me këtë, kompania prodhuese AstraZeneca ka prezantuar të dhënat e reja të fazës I të trialit AURA, për trajtimin e linjës së parë në 60 pacientë (koorta të kombinuara me doza 80 mg dhe 160 mg) të prekur nga Nsclc i avancuar, pozitiv ndaj mutacionit të receptorit të faktorit të rritjes epidermale (Egfr).
Studimi ka zbuluar një normë përgjigjeje objektive (Orr, një masë e tkurrjes së tumorit) e barabartë me 77% (intervali i konfidencës (IC, 95%: 64%-87%) dhe një mbijetesë e lirë nga progresioni (Pfs) e barabartë me 19.3 muaj, me 55% të pacientëve ende të lirë nga progresioni pas 18 muajve (IC 95%: 41%-67%).
Kohëzgjatja mesatare e përgjigjes (DoR) nuk ishte e llogaritshme (NC) (IC 95%: nga 12.5 muaj në NC) në momentin e 'cut off' të të dhënave, me 53% të pacientëve që vazhdonin t'i përgjigjeshin terapisë në 18 muaj (IC 95%: 36%-67%). Nga të 60 pacientët që iu nënshtruan trajtimit të linjës së parë, 5 kishin një tumor që kishte mutacionin T790M edhe në momentin e diagnozës (të njohur si pacientët de novo): të pestë këta pacientë dhanë një përgjigje afatgjatë. Efektet anësore më të zakonshme kanë qenë irritim në lëkurë (78% kompleksiv; 2% më e madhe ose e njëjtë me Gradën 3), diarre (73% kompleksive; 2% më e madhe ose njëjtë me Gradën 3), tharje lëkure (58% kompleksive; 0 më e madhe ose njëjtë me Gradën 3) dhe paronikia (50% kompleksive; 3% më e madhe ose e njëjtë me Gradën 3).
Të gjitha eventet e Gradës 3 ose më të lartë në këto kategori janë verifikuar me dozën prej 160 mg. Osimertinib ka marrë së fundi aprovimin e përshpejtuar si trajtim i parë i indikuar për pacientët me tumor në mushkëri me qeliza jo të vogla metastatike pozitiv për mutacionin T790M të Egfr në Shtetet e Bashkuara, Bashkimin Evropian dhe Japoni.
Triali i konfirmimit të fazës III i cili vazhdon ende AURA3, po vlerëson efikasitetin dhe sigurinë e osimertinib në krahasim me dyshen kemioterapike që përmban platin te pacientët me tumor në mushkëri me qeliza jo të vogla pozitiv ndaj mutacionit T790M të Egfr, lokalisht i avancuar ose metastatik, që kanë regjistruar progrese pas një terapie fillestare me një TKI të Egfr.