nën302018
Brenda një virusi të modifikuar, gjendet arma kundër tumorit
Sipas një studimi të publikuar në "Cancer Research", një virus i aftë për vrasjen e qelizave të kancerit është modifikuar, në mënyrë që t'i inkorporohet me një proteinë të aftë për të identifikuar dhe vrarë fibroblastet e lidhura me kancerin, në brendësi të tumoreve solide, domethënë, ato qeliza të trupit që janë "mashtruar" nga vetë tumori, që e mbrojnë atë nga mbrojtja imunitare dhe e furnizojnë me faktorë të rritjes dhe lëndë ushqyese. Aktualisht, çdo terapi që vret "qelizat e mashtruara" fibroblastike, mund të vrasë gjithashtu edhe fibroblastet në gjithë pjesën tjetër të trupit, si në palcë, ashtu edhe në lëkurë, duke shkaktuar toksicitet.
Për të trajtuar këtë problem, hulumtuesit kanë modifikuar një virus të quajtur enadenotucirev, i përdorur tashmë në provat klinike për trajtimin e karcinomave, i cili është në gjendje të infektojë vetëm qelizat e kancerit. Në këtë rast, ata kanë shtuar udhëzime gjenetike për virusin, në mënyrë që të nisë prodhimin e një proteine që angazhon qelizat T biospecifike, e projektuar për t'u lidhur nga njëra anë me fibroblastet dhe nga ana tjetër, me qelizat T.
Kjo ka bërë të mundur nxitjen e qelizave T që kanë vrarë fibroblastet e bashkëngjitura. "Ne e ndryshuam virusin në mënyrë që përdoruesi i T-qelizave të ishte aktiv vetëm në qelizat e tumoreve të infektuara dhe askund tjetër në trup. Molekula angazhuese e qelizave T është aq e fuqishme sa mund të aktivizojë qelizat imune brenda tumorit, në mënyrë që të sulmojnë fibroblastet", thotë Joshua Freedman (Universiteti i Oksfordit), autori kryesor i studimit. Studiuesit nënvizojnë se teknika e tyre e re mund të jetë një hap i rëndësishëm drejt zvogëlimit të supresionit të sistemit imunitar, i cili ndodh brenda karcinomave, pasi mund të rifillojë procesin normal të imunitetit.
"Këto viruse tashmë po testohen te njerëzit, prandaj shpresojmë që virusi ynë i modifikuar të mund të përdoret në sprovat klinike që vitin e ardhshëm, për të parë nëse është i sigurt dhe efektiv te pacientët me kancer", thonë studiuesit. Terapia tashmë është testuar me sukses në mostrat e kancerit të njeriut, të mbledhura nga pacientët, duke përfshirë tumoret e ngurta të prostatës, që kanë përbërje komplekse. Strategjia e re u testua gjithashtu në mostrat e palcës së kockave të shëndetshme të njeriut dhe u pa se nuk shkaktonte toksicitet ose aktivizim të papërshtatshëm të qelizave T.
Cancer Res 2018. Doi: 10.1158/0008-5472.CAN-18-1750
http://cancerres.aacrjournals.org/content/early/2018/11/15/0008-5472.CAN-18-1750