sht152021
Encefalomieliti mialgjik/sindroma e lodhjes kronike. Hapa përpara drejt njohjes së shkaqeve
Marrëdhënia mes simptomave dhe autoantitrupave natyralë (AAB) specifikë, për receptorët e lidhur me proteinat G (GPCR) mbështesin rolin e këtyre antitrupave apo të rrugëve respektive receptoriale në patogjenezën e encefalomielitit mialgjik/sindromës së lodhjes kronike (ME/CFS). Këto janë konkluzionet e një studimi të publikuar në Journal of Clinical Medicine, me firmën e Helma Freitag-ut (Instituti i Imunologjisë Mjekësore pranë Charité, Universiteti Mjekësor i Berlinit).
"ME/CFS është një sëmundje komplekse që shkakton simptoma të cilat përfshijnë lodhjen, gjendjen e këputur pas sforcimeve dhe dëmtimin konjitiv", thotë kërkuesja, duke specifikuar se në shumicën e rasteve, sëmundja shkaktohet nga një infeksion. Edhe pse patogjeneza mbetet e panjohur, ka dëshmi se mosfunksionimi vaskular dhe hipoperfuzioni luajnë një rol në ME/CFS. Në disa studime është demonstruar furnizimi i reduktuar i muskujve me oksigjen gjatë stërvitjes, ashtu si edhe një rënie në qarkullimin e gjakut cerebral në rast të stimulimit ortostatik. Prandaj, hipoperfuzioni mund të shkaktojë lodhje të muskujve dhe dëmtim konjitiv, të gjitha shenjat dalluese të ME/CFS. Dhe në rregullimin e fluksit së gjakut, një rol të rëndësishëm e luajnë receptorët e lidhur me proteinën G (GPCR) për hormonet vazoaktive, të tilla si katekolaminat, acetilkolina, angiotenzina II dhe endotelina 1.
Ndër AAB-të e para anti-GPCR të përshkruara janë ato kundër receptorit beta1 adrenergjik (AdR) në kardiomiopatinë e zgjeruar dhe receptorët e angiotenzinës II të tipit 1 (AT1-R), të cilët ndërmjetësojnë vazokonstriksionin si faktorë rreziku për refuzimin e transplantit renal. Për të shqyrtuar këtë temë, studiuesit analizuan lidhjen midis ashpërsisë së simptomave dhe niveleve të AAB-së anti AdR, endothelin-1 dhe receptorit të angiotenzinës II të tipit 1 (AT1) në 116 pacientë me ME/CFS, duke vlerësuar simptomat me pyetësorë të veçantë.
"Të dhënat e mbledhura tregojnë se nivelet e pjesës më të madhe të AAB-ve lidhen ndjeshëm me lodhjen dhe dhimbjen e muskujve te pacientët me fillimin e infeksionit", shpjegojnë autorët. "Studimi ynë siguron dëshmi se AAB dhe/ose AdR, endothelin-1 dhe rrugët e receptorit të receptorit të angiotenzinës II luajnë një rol qendror në ME/CFS për shkak të lidhjes së rëndësishme me ashpërsinë e simptomave", përfundon Freitagu.
Journal of Clinical Medicine 2021. Doi: 10.3390/jcm10163675
http://doi.org/10.3390/jcm10163675