Gati spitali i ri i kirurgjisë në QSUT. Brenda pak ditësh, nis të funksionojë

Artikuj lidhur

29-06-2023 | Qeveria merr vendimin. Mjekët mund të ofrojnë shërbim spitalor kundrejt pagesës në ambientet e spitaleve publike, pas orarit zyrtar

15-06-2023 | Lista e kandidatëve për drejtues të shërbimeve mjekësore në QSUT

05-05-2022 | Spitalet publike drejt autonomisë financiare. Miratohet projektligji, spitalet duhet të gjenerojnë fonde

Pacientët e parë që kanë nevojë për ndërhyrje kirurgjikale në janar, me gjasë do ta kryejnë atë në sallat e reja operatore, pranë spitalit të ri të kirurgjisë në QSUT.

Ky spital tanimë është gati me gjithçka dhe pritet vetëm inagurimi i tij, proces i cili është vonuar për shkak të tërmetit të 26 nëntorit. Sipas statistikave të QSUT-së, pothuajse 62 mijë pacientë kanë nevojë për ndërhyrje kirurgjikale në një vit.

Spitali i ri i kirurgjisë ka një kapacitet prej 120 shtretërish dhe në këtë godinë do të transferohen të tri klinikat e kirurgjisë së përgjithshme. Bëhet fjalë për 7 salla operacioni, si: Urologji, Kirurgji e Përgjithshme, Tiroidet, Toraksi, Kirurgji Abdominale, secila me një kullë laparoskopie. Njëra prej sallave krejtësisht digjitale, është menduar t'u shërbejë edhe studentëve të mjekësisë, për të ndjekur nga afër ndërhyrjet operatore në praktikën e tyre klinike.

Ky spital i ri i kirurgjisë ka kushtuar rreth 8.8 milionë euro dhe sipas vetë mjekëve kirurgë, në të janë instaluar aparatura të fjalës së fundit të teknologjisë.

Alma Demiraj