jan182021
Ekziston një lidhje e rëndësishme mes konsumit të mishit dhe astmës në fëmijëri
Sipas një studimi në "Thorax", ekziston një lidhje e rëndësishme midis konsumit të mishit dhe rritjes së rrezikut për frymëmarrje fishkëllyese te fëmijët. Në veçanti, përgjegjës për këtë lidhje janë përbërësit pro-inflamatorë të quajtur AGE (Advanced glycation end products), faktorë të hershëm të rrezikut dietik që mund të kenë implikime të gjera klinike dhe të shëndetit publik në parandalimin e sëmundjeve inflamatore të rrugëve të frymëmarrjes.
Për të gjetur një lidhje midis zakoneve të ushqyerjes, AGE-ve, konsumimit të mishit, frymëmarrjes fishkëllyese dhe zhvillimit të mundshëm të astmës, studiuesit, të udhëhequr nga Sonali Bose i Shkollës së Mjekësisë Icahn në Spitalin Mount Sinai në Nju Jork, ekzaminuan 4,388 fëmijë të moshës 2-17 vjeç që në periudhën 2003-2006 kishin marrë pjesë në Sondazhin Kombëtar të Shëndetit dhe Ekzaminimit të Ushqimit (NHANES). Programi NHANES, i Qendrës Kombëtare për Statistikat e Shëndetit, pjesë e Qendrave për Kontrollin dhe Parandalimin e Sëmundjeve (CDC), është krijuar për të vlerësuar gjendjen shëndetësore dhe ushqyese të të rriturve dhe fëmijëve në Shtetet e Bashkuara, përmes intervistave dhe ekzaminimeve fizike.
"Ne përdorëm të dhënat e NHANES-it për të vlerësuar lidhjen midis marrjes dietike të përbërësve AGE dhe simptomave respiratore", shkruajnë autorët, të cilët në të vërtetë vunë re një korrelacion të rëndësishëm midis AGE-ve dhe frymëmarrjes fishkëllyese që ishte jo vetëm e lehtë, por edhe me një intensitet të tillë sa të ndërpresë gjumin dhe ushtrimin fizik, duke kërkuar trajtim specifik. Në të njëjtën mënyrë, edhe marrja e shtuar e mishit lidhej gjithashtu me gjumin e shqetësuar nga frymëmarrja fishkëllyese, me përshkrim të barnave.
"Kërkimet që synojnë identifikimin e faktorëve dietikë të modifikueshëm që mund të shkaktojnë simptoma respiratore te fëmijët, është i rëndësishëm pasi ndihmon në përmirësimin e shëndetit", vazhdon Bose. Ai përfundon: "Shpresa jonë është që këto rezultate të hapin rrugën për studime të ardhshme gjatësore që vlerësojnë në mënyrë të thellë rolin e AGE-ve në sëmundjet inflamatore të rrugëve të ajrit infantile".
Thorax 2020. Doi: 10.1136/thoraxjnl-2020-216109
http://doi.org/10.1136/thoraxjnl-2020-216109