maj182023
Diskriminimi në punë dhe lidhja shkak-pasojë me hipertensionin
Të rriturit që ndihen të diskriminuar në punë kanë janë më të prirur të zhvillojnë hipertension krahasuar me kolegët tyre që nuk ndihen të diskriminuar, sipas një artikulli të botuar në "Journal of the American Heart Association" dhe të koordinuar nga Jian Li nga Universiteti i Kalifornisë, Los Anxhelos.
"Sipas njohurive tona, ky është studimi i parë që tregon se diskriminimi në vendin e punës, i kuptuar gjerësisht si një grup kushtesh të padrejta ose si trajtim i pakëndshëm për shkak të karakteristikave personale, duke përfshirë përkatësinë etnike, gjininë ose moshën, mund të rrisë rrezikun afatgjatë për hipertension", shpjegon Li, i cili së bashku me kolegët analizuan të dhënat e Midlife in the United States Study (MIDUS), një kampion kombëtar i të rriturve në SHBA në një gamë të gjerë profesionesh dhe nivelesh arsimore, duke zgjedhur 1246 subjekte që në nisje të studimit ishin pa hipertension dhe i ndoqën ata për rreth 8 vite deri në 2013-2014.
"Për të vlerësuar diskriminimin në punë, pjesëmarrësit u pyetën nëse ndiheshin të trajtuar në mënyrë të padrejtë, nëse ndiheshin më të injoruar se të tjerët, si dhe për shpeshtësinë e sharjeve etnike apo seksuale apo shakave të tepruara në punë", shkruajnë studiuesit.
Të dhënat e mbledhura treguan se krahasuar me njerëzit që raportuan rezultate të ulëta të diskriminimit në vendin e punës gjatë regjistrimit, pjesëmarrësit që raportuan rezultate më të larta kishin 54% më shumë mundësi të raportonin edhe hipertension gjatë ndjekjes.
"Këto gjetje kanë disa implikime: i pari është se ato duhet të rrisin ndërgjegjësimin e publikut se puna është një përcaktues i rëndësishëm social për sa i përket gjendjes shëndetësore. Së dyti, rezulton se, përveç faktorëve tradicionalë të rrezikut, përvojat stresuese në punë për shkak të diskriminimit janë një faktor rreziku në zhvillim për hipertensionin që mund të përmirësohet apo edhe të eliminohet duke adoptuar politika të synuara dhe ndërhyrje të përshtatshme organizative", përfundon Li.
JAHA 2023. Doi: 10.1161/JAHA.122.027374
https://doi.org/10.1161/JAHA.122.027374