Diabetologji

maj272021

Trajtimi që parandalon komplikacionet e retinopatisë diabetike

Një studim i botuar në "Jama Ophthalmology" tregon se trajtimi i retinopatisë diabetike jopoliferike me aflibercept, parandalon komplikacionet që mund të kërcënojnë shikimin. Sidoqoftë, ky trajtim parandalues nuk ka përfitime për mprehtësinë vizive në 2 vjet, krahasuar me një trajtim të kryer në kohën e shfaqjes së komplikacioneve. Pra, siç theksoi autori i parë Raj Maturi i Shkollës së Mjekësisë të Universitetit Indiana në Shtetet e Bashkuara, ndërsa është e mundur që medikamenti anti-VEGF (faktori i rritjes endoteliale anti-vaskulare) mbron për një kohë të gjatë, kjo nuk ndikon në shikimin në 2 vjet.
"Këto rezultate 2-vjeçare sugjerojnë që monitorimi i ngushtë dhe trajtimi rutinë, ndërsa zhvillohen komplikacionet, janë thelbësore për të parandaluar humbjen e shikimit nga retinopatia diabetike", tha ai.

Në studimin e kryer në 64 vende në SHBA dhe Kanada, 329 të rritur (për 399 sy) me retinopati diabetike jopoliferike të moderuar deri në të rëndë, u përzgjodhën në mënyrë rastësore për të marrë injeksione me aflibercept (n = 200) ose injeksione të rreme (n = 199) në fillim, për 1, 2 dhe 4 muaj dhe më pas çdo 4 muaj për 2 vjet. Në rast përkeqësimi, për pjesëmarrësit janë parashikuar injeksione më të shpeshta të medikamentit, pavarësisht nga grupi në të cilin ata bënin pjesë, të ndjekura, nëse ishte e nevojshme, nga trajtime të tjera, të tilla si operacioni ose fotokoagulimi me lazer. Siç shikohet në rezultate, probabiliteti kumulativ 2-vjeçar i zhvillimit të retinopatisë diabetike proliferuese ishte rreth 33% në grupin me medikamentin e rremë dhe afërsisht 14% në grupin aflibercept. Për edemën makulare diabetike, ky probabilitet ishte përkatësisht 15% dhe 4%.

Në kohën kur është bërë analizimi i humbjes 2-vjeçare të mprehtësisë vizive, studiuesit nuk vunë re ndryshime të mëdha midis dy grupeve. "Kur vlerësohen strategjitë e reja të trajtimit parandalues, është e rëndësishme që ato të krahasohen drejtpërdrejt me trajtimin standard pas përkeqësimit të sëmundjes, siç bëmë në këtë studim", tha Adam Glassman, nga Qendra Jaeb për Kërkime Shëndetësore, një nga autorët e hulumtimit.
Sidoqoftë, priten rezultate 4-vjeçare, të cilat mund të tregojnë nëse ulja e nivelit të përkeqësimit të retinopatisë diabetike mund të çojë në përmirësimin e rezultateve afatgjata.

 

JAMA Ophthalmol 2021. Doi:10.1001/jamaophthalmol.2021.0606.
https://doi.org/10.1001/jamaophthalmol.2021.0606


Download Center

Principi e Pratica Clinica
Artikuj të shkëputur
shkoni në download >>
separa
Principi e Pratica Clinica
Urdhëra dhe Udhëzime
shkoni në download >>
separa
Principi e Pratica Clinica
Projektligje dhe Ligje
shkoni në download >>