nën122018
Lejohet përdorimi i kremrave të lëkurës para radioterapisë, por ja se si...
Trajtimet topike të lëkurës, nëse nuk aplikohen me një shtresë shumë të trashë, nuk e rritin dozën e rrezatimit që marrin pacientët të cilët i nënshtrohen radioterapisë dhe për këtë arsye, ato mund të përdoren me moderim, para trajtimit.
Këtë e thonë autorët e një studimi të botuar në "JAMA Oncology", duke kujtuar se shumë mjekë këshillojnë që kremrat të mos përdoren. Disa prej trajtimeve të përdorura për të qetësuar pacientët, përmbajnë metale të rënda dhe për këtë arsye, pacientët janë këshilluar historikisht që të shmangin përdorimin e këtyre trajtimeve në orët para radioterapisë, për të mos rritur sasinë e rrezatimit që përthithet nga lëkura.
"Ky rekomandim është një mbetje nga fillimet e radioterapisë, por me përdorimin e trajtimeve moderne që në masë të madhe zvogëlojnë dozën që arrin lëkurën, kemi supozuar se një informacion i tillë nuk është më i rëndësishëm", shpjegon Brian Baumann (Universiteti i Pensilvanisë), autor kryesor i studimit.
Hulumtuesit propozuan një studim duke përdorur OncoLink, një shërbim online i dedikuar për edukimin e pacientëve dhe profesionistëve të shëndetësisë, për të sqaruar situatën aktuale në lidhje me këtë temë. Në 105 mjekë dhe infermierë, plot 96 (91%) thanë se ata u rekomandojnë rregullisht pacientëve që të mos përdorin kremra lëkure gjatë orëve para trajtimit dhe 111 pacientë nga 133 (83%) thanë se kishin marrë një këshillë të ngjashme nga personeli shëndetësor.
Për të kuptuar më mirë nëse këta agjentë aktualë në fakt rrisin dozën e rrezatimit në lëkurë, studiuesit vendosën tre letra para rrezes së radioterapisë; njërën pa asgjë lart, njërën me një shtresë vaji që përmban derivate të naftës Acquaphor dhe njërën me një krem me bazë sulfadizinë argjendi, që merret vetëm me recetë. Pastaj, matën dozën absorbuese të rrezatimit me dozimetra të lumineshencës të stimuluar në mënyrë optike (OSLD). Eksperimenti u krye me trashësi të ndryshme për të dyja produktet dhe autorët konkluduan se ndërsa doza e rrezatimit në sipërfaqe u rrit kur shtresa ishte shumë e trashë, nuk kishte rritje kur shtresa ishte mesatarisht e trashë.
JAMA Oncology 2018. Doi: 10.1001/jamaoncol.2018.4292
https://jamanetwork.com/journals/jamaoncology/fullarticle/2705972