Focus

qer72021

Covid. Në Britaninë e Madhe shtohen rastet e variantit indian

Asnjëherë nuk ka patur kaq shumë raste, që nga mesi i prillit.

Është rikthyer rritja e kurbës së infeksioneve nga Covid-19 në Angli, ku sipas Organizatës Kombëtare të Statistikave (ONS) nuk ka pasur kaq shumë raste pozitive që nga mesi i prillit. Për këtë, fajësohet varianti indian, i identifikuar si Delta (ose B.1.617.2), shumë më i transmetueshëm se ai anglez (Alpha).

Është rritur edhe Rt-ja: vlera e riprodhimit të virusit vlerësohet midis 1 dhe 1.2, pak më e lartë krahasuar me 1 dhe 1.1 javën e kaluar. Në shkallë rajonale, vlera më e lartë, 1.3, u regjistrua në Veriperëndimin e Anglisë. Edhe në Skoci, autoritetet shëndetësore regjistruan një Rt mbi 1. Varianti indian i virusit është shqetësimi kryesor i qeverisë dhe atyre që janë përgjegjës për luftën kundër pandemisë, në funksion të ndalimit të përgjithësuar të masave kufizuese, të planifikuara nga data 21 qershor.

Sipas ONS-së, rreth një njeri në 640 familje në Angli kanë patur Covid-19 në javën deri më 29 maj, krahasuar me një njeri në 1,120, në javën e mëparshme. Ky është niveli më i lartë që nga java që u mbyll më 16 prill. Të dhënat nuk marrin parasysh spitalet, shtëpitë e të moshuarve dhe institucionet e tjera, specifikon BBC-ja. Rritja e kurbës së infeksionit u zbulua edhe në Uells, në Irlandën e Veriut dhe në Skoci. "The Guardian" paralajmëron se varianti indian, i cili është bërë dominues në Britaninë e Madhe pasi u diagnostikua në 75% të personave pozitivë, mund të shkaktojë një shtim të shtrimeve në spital. Një raport i ri i botuar nga Sistemi Shëndetësor Kombëtar Britanik flet për 12,431 raste të identifikuara të variantit Delta, krahasuar me 6,959 raste në buletinin e fundit të lëshuar një javë më parë.

Analiza tregon gjithashtu se varianti indian mund të jetë më rezistent ndaj vaksinës. Por epidemiologu Meaghan Kall në Twitter këmbënguli në nevojën për të vazhduar me vaksinimet, si mënyra e vetme për të mposhtur coronavirusin Sars-CoV-2. Në 73% të rasteve, nga Delta janë prekur njerëz të pavaksinuar dhe vetëm 3.7% e atyre që i kanë marrë të dyja dozat e vaksinës, ndërsa vetëm 5% e njerëzve të shtruar në spital me këtë variant morën dy doza.

 

Burimi: adnkronos


Download Center

Principi e Pratica Clinica
Artikuj të shkëputur
shkoni në download >>
separa
Principi e Pratica Clinica
Urdhëra dhe Udhëzime
shkoni në download >>
separa
Principi e Pratica Clinica
Projektligje dhe Ligje
shkoni në download >>