shk152022

Covid-19. Të shëruarit nga Omicroni, mund të sëmuren sërish

Artikuj lidhur

10-02-2022 | Covid-19. Sa zgjasin antitrupat te të shëruarit dhe tek asimptomatikët?

03-02-2022 | Covid-19. Ja, si përhapet virusi në ambiente të mbyllura. Studimi italian

30-06-2021 | Sars-CoV-2. Sipërfaqet e kontaminuara ka pak gjasa të jenë burim i transmetimit të virusit

Një infeksion i mëparshëm SARS-CoV-2 ka pak efekt në parandalimin e një infeksioni të ri me variantin Omicron, megjithatë parandalon me një efektivitet rreth 90%, përshkallëzimin e sëmundjes në një formë të rëndë. Këto janë të dhënat kryesore të një studimi të kryer në Katar dhe të publikuar në New England Journal of Medicine.

Hulumtimi mori në konsideratë të gjitha riinfeksionet e regjistruara në Katar që nga fillimi i pandemisë, një analizë e mundësuar nga sistemi kapilar i mbledhjes së të dhënave, që është krijuar nga vendi i Gjirit Persik.
Krahasuar me variantet e tjera, Omicroni konfirmon aftësinë e tij më të madhe për të shmangur përgjigjen imune të zhvilluar nga një kontakt i mëparshëm me virusin. Në veçanti, efikasiteti mbrojtës i një infeksioni të mëparshëm ka rezultuar:

90.2% ndaj variantit Alfa,
85.7% ndaj variantit Beta,
92% ndaj variantit Delta dhe,
vetëm 56% ndaj variantit Omicron.

Gjërat ndryshojnë kur marrim parasysh se sa shumë mbron të kesh qenë sëmurë me Covid-19, jo thjesht nga një infeksion i ri, por nga mundësia që sapo të infektoheni të përballeni me një formë serioze ose vdekjeprurëse të sëmundjes. Në këtë rast, efektiviteti rezultoi 69.4% kundrejt variantit Alpha, 88% kundër Beta, 100% kundër Delta dhe 87.8% kundër variantit Omicron.