kor272021
Terapitë Covid. EMA vlerëson imunosupresantin te pacientët në rrezik për insuficiencë të rëndë respiratore
Agjencia Evropiane e Barnave (EMA) ka nisur vlerësimin e aplikimit për zgjerimin e përdorimit të anakinrës, për ta përfshirë atë në trajtimet kundër Covid-19, në pacientët e rritur me pneumoni dhe në rrezik për të zhvilluar insuficiencë të rëndë respiratore.
Medikamenti bllokon veprimin e interleukinës 1
Anakinra është një imunosupresant aktualisht i licencuar për të trajtuar një numër sëmundjesh inflamatore. Përbërësi aktiv, anakinra, bllokon aktivitetin e interleukinës 1, një mesazher kimik i përfshirë në proceset imune që çojnë në inflamacion. Mendohet se kjo mund të ndihmojë gjithashtu në reduktimin e inflamacionit dhe dëmtimit të indeve që lidhen me Covid-19. CHMP-ja në EMA do të vlerësojë të dhënat e paraqitura në aplikim dhe më pas do të vendosë nëse do ta rekomandojë apo jo zgjerimin e indikacionit. Këto të dhëna përfshijnë rezultatet e dy studimeve klinike në vazhdim, mbi sigurinë e barit. Opinioni i CHMP-së, së bashku me çdo kërkesë për studime të mëtejshme dhe monitorim shtesë të sigurisë, do t'i përcillen Komisionit Evropian, i cili do të miratojë një vendim përfundimtar ligjor të zbatueshëm në të gjitha shtetet anëtare të BE-së. EMA do të bëjë të njohur rezultatin e vlerësimit rreth tetorit, përveçse nëse do të jenë të nevojshme informacione shtesë.
Cristoforo Zervos