jan132020
Karcinoma mamare HER2 pozitive. Reagim i mirë me barin e ri
Rezultatet e studimit DESTINY-Breast01 (studim regjistrues global i fazës II, me krah të vetëm) mbi medikamentin DS-8201 ([fam]-trastuzumab deruxtecan) kontrolloi HER2 te pacientet e prekura nga karcinoma mamare metastatike HER2-pozitive. Rezultatet janë publikuar në "New England Journal of Medicine".
"Këto rezultate janë veçanërisht domethënëse sepse trajtimi me DS-8201 ka reduktuar dukshëm kohëzgjatjen e tumorit te pacientet, pjesa më e madhe e të cilave kishte përdorur tashmë shumë prej terapive standard për trajtimin e karcinomës mamare metastatike HER2 pozitive, në mos të gjitha", konfirmon Ian E. Krop (Instituti i Kancerit Dana-Farber), autori kryesor i studimit.
Kërkuesit kanë vëzhguar se pacientet me karcinomë mamare metastatike HER2-pozitive, që kishin ndjekur dy ose më shumë trajtime të mëparshme anti-HER2, kur janë trajtuar me DS-8201 si monoterapi (5,4 mg/kg) kanë arritur një përqindje kontrolli të sëmundjes prej 97,3%, me një kohëzgjatje mesatare të përgjigjes prej 14,8 muajsh dhe mbijetesë mesatare të lirë me kohëzgjatje mesatare në progresion prej 16,4 muajsh. Pacientet ishin trajtuar më parë me ado-trastuzumab emtansine (T-DM1) (100%), trastuzumab (100%), pertuzumab (65,8%), terapi të tjera anti-HER2 (54,3%), terapi hormonale (48,9%) dhe terapi të tjera sistemike (99,5%).
Mbijetesa e përgjithshme mesatare nuk është arritur ende dhe përqindja e mbijetesës së vlerësuar për pacientet ka qenë 86% në një vit. Kohëzgjatja mesatare e trajtimit ka qenë 10 muaj, me një ndjekje prej 11,1 muajsh. Përsa i përket sigurisë dhe tolerueshmërisë, kanë dalë të dhëna në një linjë me ato të vëzhguara në studimin e fazës 1. Eventet e kundërta më të zakonshme të gradës së tretë apo më shumë, kanë qenë: ulje e numrit të neutrofileve (20,7%), anemi (8,7%), nauze (7,6%), reduktim i numrit të leukociteve (6,5%) e limfociteve (6,5%) dhe lodhje. Në lidhje me trajtimin, 13,6% e pacienteve ka zhvilluar një sëmundje pulmonare intersticiale, që ka shkaktuar katër vdekje.
Administrata Amerikane e Ushqimit dhe e Barnave, FDA, ka mirëpritur kërkesën për tregtimin e barit për trajtimin e pacienteve me karcinomë mamare metastatike HER2-pozitive dhe kërkesa është paraqitur edhe pranë ministrisë së Shëndetit, Punës dhe Sigurimeve, në Japoni.
Nejm 2019. Doi: 10.1056/NEJMoa1914510
https://www.nejm.org/doi/10.1056/NEJMoa1914510