kor122021
Kontraceptivët hormonalë mund të rrisin rrezikun për glaukomë
Sipas një studimi të botuar në "British Journal of Clinical Pharmacology", ekziston një rrezik, megjithëse relativisht i ulët, i zhvillimit të glaukomës te gratë në moshë riprodhuese që përdorin kontraceptivë hormonalë në mënyrë të rregullt. "Ne studiuam lidhjen midis përdorimit të kontraceptivëve hormonalë dhe incidencës së glaukomës te gratë në moshë riprodhuese, duke i kushtuar vëmendje të veçantë kohëzgjatjes dhe llojit të kontraceptivëve hormonalë të përdorur", thotë Kate Hogden (Universiteti i British Columbias, Vankuver, Kanada), autore e studimit.
Studiuesit përdorën të dhënat e marra nga baza e të dhënave IQVIA (IQVIA, SHBA) nga viti 2008, në 2018-tën dhe identifikuan rastet e glaukomës ose hipertensionit okular. Çdo rast i glaukomës u përputh me katër kontrolle sipas moshës, indeksit të masës trupore dhe kohës së ndjekjes. Parametri kryesor i rezultatit ishte diagnoza e parë e glaukomës e përcaktuar nga kodi i parë i diagnozës për glaukomë ose hipertension okular. Në 4,871,504 gra, janë vërejtur 2,366 raste të glaukomës, me të cilat janë përputhur 9,464 kontrolle. Gratë që përdornin rregullisht kontraceptivë hormonalë kishin një rrezik më të lartë për glaukomë sesa jopërdorueset, me një normë incidenti të rregulluar (aIRR) prej 1.57. Në veçanti, gratë që po përdornin kontraceptivë ishin në rrezik më të madh se ato që i kishin përdorur në të kaluarën. AIRR-ja për glaukomën u rrit nga 0.82 te gratë me një ose dy përshkrime në dy vitet para diagnozës së parë të glaukomës, në 1.54 tek ato me më shumë se katër përshkrime.
Ekspertët theksojnë se studimi ka përparësi dhe kufizime. Madhësia e popullsisë fillestare është sigurisht një plus, ashtu si shumëllojshmëria e kontraceptivëve të marrë në konsideratë. Natyra e të dhënave, megjithatë, nuk lejoi hyrjen në regjistrat individualë mjekësorë për të konfirmuar diagnozën dhe nuk ka qenë e mundur të kontrolloheshit faktorët ngatërrues të pamatur. "Do të nevojiten studime të ardhshme për të konfirmuar këto rezultate", përfundojnë autorët.
Br J Clinical Pharmacology 2021. Doi: 10.1111/bcp.14920
http://doi.org/10.1111/bcp.14920