tet242022
Fekondimi in vitro shton rrezikun për çrregullime hipertensive
Gratë që i nënshtrohen fekondimit in vitro (IVF) me embrione të ngrira, kanë një rrezik 74% më të lartë për të zhvilluar sëmundje hipertensive, në krahasim me gratë që kanë mbetur shtatzënë në mënyrë natyrale.
Në këtë përfundim ka arritur një studim i publikuar në Hypertension dhe i koordinuar nga Sindre Petersen nga Universiteti Norvegjez i Shkencës dhe Teknologjisë në Trondheim, i cili thotë gjithashtu se rreziku në shtatzënitë konceptuara përmes IVF-së dhe embrioneve të freskëta është shumë i ngjashëm me shtatzënitë e konceptuara në mënyrë natyrale.
Përdorimi i embrioneve të ngrira në IVF po bëhet gjithnjë e më i zakonshëm në mbarë botën.
"Dihet tashmë se transferimi i embrioneve të ngrira shoqërohet me një rrezik të shtuar të problemeve hipertensive në shtatzëni, por nuk dihet nëse kjo ndodh për shkak të embrioneve të ngrira apo faktorëve të rrezikut prindëror", shpjegon Petersen.
Për të hetuar situatën, studiuesit përdorën të dhënat e pothuajse 2.4 milionë grave në Danimarkë, Norvegji dhe Suedi që kishin kryer vetëm një lindje nga viti 1988 deri në vitin 2015, dhe kërkuan gjithashtu edhe gra që kishin pasur shtatzëni edhe nëpërmjet IVF-së edhe nëpërmjet konceptimit natyral, për të kuptuar efektin të faktorëve të rrezikut personal.
Në total, studimi përfshiu më shumë se 4.5 milionë shtatzëni, nga të cilat 4.4 milionë kishin nisur në mënyrë natyrale. Nga ato që nisura nëpërmjet IVF-së, 78,000 prej tyre përfshinin transferimin e embrioneve të freskëta, dhe më shumë se 18,000 të embrioneve të ngrira.
Gratë, shtatzënia e të cilave ishte konceptuar nëpërmjet embrioneve të ngrira kishin një rrezik 74% më të lartë për të zhvilluar çrregullime hipertensive krahasuar me ato që kishin mbetur shtatzënë në mënyrë natyrale.
Në grupin e grave që kishin shtatzëni natyrale dhe IVF me embrione të ngrira, rreziku i çrregullimeve hipertensive ishte i dyfishtë pas transferimit të embrioneve të ngrira krahasuar me shtatzënitë me konceptim natyral. Nuk kishte rritje të rrezikut për zhvillimin e çrregullimeve hipertensive në shtatzënitë e konceptuara nëpërmjet transferimit të embrioneve të freskëta krahasuar me ato të konceptuara në mënyrë natyrale.
"Rezultatet e punës sonë sugjerojnë se janë pikërisht disa faktorë që lidhen me embrionet e ngrira që shkaktojnë të cilët shtojnë rrezikun për hipertension. Është e rëndësishme që në të ardhmen të kuptojmë se cilat pjesë të procesit të transferimit të embrioneve të ngrira mund ta shkaktojnë këtë problem", përfundojnë ekspertët.
Hypertension 2022. Doi: 10.1161/HYPERTENSIONAHA.122.19689
http://doi.org/10.1161/HYPERTENSIONAHA.122.19689