shk172017

Specializimet, datat dhe modalitetet e zhvillimit të provimit

Artikuj lidhur

28-04-2017 | Provimi i shtetit për mjekët - sezoni i majit, datat dhe lista emërore

24-02-2017 | Dhimbje shpine, nga mjekët amerikanë rekomandime mbi barnat dhe terapitë alternative

20-12-2016 | Provimi i Shtetit për profesionet e shëndetësisë, AKP publikon datat dhe listat emërore

Agjencia Kombëtare e Provimeve ka nxjerrë kalendarin e datave të zhvillimit të provimit të informatizuar për 277 aplikantët për Specializimet afatgjata në Mjekësi. Provimi do të zhvillohet mes 20-23 shkurtit, pranë godinës së AKP-së, në rrugën Naim Frashëri, Tiranë.

Në dokumentin e publikuar edhe nga Fakulteti i Mjekësisë, secili kandidat mund të orientohet për datën dhe orën që do t'i nënshtrohet provimit (klikoni këtu). Ai do të përmbajë 100 pyetje me alternativa të cilat do të testojnë njohuritë dhe aftësitë e aplikantëve në aspektin operativ, konjitiv dhe relacionues.

Provimi do të zgjasë 120 minuta dhe do të zhvillohet në një raund ose në dy të tilla (nga 60 minuta). Vlerësimi i kandidatëve do të bëhet në mënyrë automatike dhe në momentin e përfundimit të testit do të shfaqet në monitorin e kompjuterit rezultati, i cili do të printohet dhe firmoset nga Komisioni i Vlerësimit.
Në përfundim të procesit Komisioni do të publikojë listën përfundimtare me renditjen e kandidatëve sipas pikëve totale të përllogaritura nga mesatarja e ponderuar, intervista dhe testi i informatizuar.

Rregullat për të hyrë në provim mbeten të njëjtat: paraqituni 30 minuta para fillimit të provimit, mbani me vete një mjet identifikimi si dhe fotokopjen e tij dhe në rast se keni ndryshuar mbiemrin, merrni certifikatën përkatëse