nën12014

Risi nga agjensitë botërore të barnave,në fokus trajtimi i fëmijëve

EMA ka autorizuar me një procedurë të qendërzuar, një version  biologjikisht të ngjashëm  të insulinës glargine (Abasria di Eli Lilly e Boehringer Ingelheim) e krahasueshme në sekuencën aminoacide dhe efekte me analogun tjetër aktualisht në treg (Lantus di Sanofi), për trajtimin e diabetit të tipit 2 te të rritur, adoleshentë dhe fëmijë duke filluar nga ata të moshës 2 vjeç.
"Food and Drug administration" ka autorizuar përdorimin e faktorit IX, rikombinim i koagulimit (Rixubis e Baxter) për trajtimin rutinë të fëmijëve me Hemofili B. Në Shtetet e Bashkuara përdorimi pediatrik arrin deri në moshën 12-vjeçare, ndërsa trajtimi te të rriturit ishte autorizuar, ndërkohë që në Evropë bari është në pritje të diskutimeve të EMA-s si në fushën pediatrike ashtu edhe për të rriturit.
Po nga "Baxter" do të hyjë në tregun amerikan një terapi nën-lëkurë për imunodefiçencën primare (Hyqvia) e përbërë nga 10% imunoglobulinë njerëzore për infuzionin e kombinuar me hialouronidazën rikombinuese. Zgjerimi i indikacioneve të përdorimit për enzalutamide (Xtandi e Medivation e Astellas Pharma), trajtim oral për kancerin e prostatës rezistent ndaj hormoneve. Indikacionet e reja në linjë të parë për tumorin metastatik i shtohen atyre origjinare (fillestare), në linjë të dytë për pacientët që kishin marrë njëherë një cikël të kimioterapisë me docetaxel. AIFA ka mundësuar shtrirjen e rimbursimit të ipilimumab (Yervoy i Bristol-Myers Squibb) edhe në linjën e parë: antineoplastiku për melanomën e avancuar ( i paoperueshëm ose metastatik) do të rekomandohet nga sistemi shëndetësor italian edhe te pacientët e rritur të patrajtuar më parë.
Së fundi, ndërfutja e re në marketing e një farmaceutiku kundër obezitetit: bëhet fjalë për një kombinim mes naltrexone e bupropione  (Contrave të Orexigen e Takeda) për menaxhimin kronik të peshës bashkë me dietën hipokalorike dhe aktivitetin fizik. Medikamenti mund të përdoret vetëm te të rriturit me tregues të masës trupore (BMI) të barabartë ose më të lartë se 27 dhe një ose më shumë comorbidità e lidhur me obezitetin, si hipertensioni, diabeti i tipit 2 apo dislipidemia. Sipas përfundimeve të nxjerra nga studimi i farmaceutikut, FDA kërkon që pacientët në trajtim të jenë të kontrolluar pas 12 javësh terapi: nëse nuk kanë humbur të paktën 5% të peshës së tyre fillestare medikamenti duhet ndërprerë.