kor232014

Mund ta kemi mbivlerësuar takikardinë posturale ortostatike

Sipas një studimi të publikuar në revistën BMJ Open (British Medical Journal), e ashtuquajtura Sindroma e Takikardisë Ortostatike Posturale është shpesh një burim i simptome të rënda dhe efekte të mëdha negative, sepse ata që vuajnë prej saj - kryesisht gra të reja me një nivel të lartë kulturor - nuk janë diagnostikuar në mënyrën e duhur.
Sindromi i njohur me akronimin PoTS (Postural Tachycardia Syndrome) karakterizohet nga përshpejtimi i papritur i rrahjeve të zemrës kur ngrihemi nga pozicioni ulur. Simptomat  përfshijnë konfuzion, dobësi trupore, të vjella, vështirësi për t'u përqëndruar, lodhje dhe tremor, siç na kujton Claire McDonald dhe kolegët e Institute for Ageing & Health i Newcastle University në Newcastle Upon Tyne në Britaninë e Madhe. Sipas vlerësimeve të SHBA, sindromi do të kishte një prevalencë prej 170 rastesh në 100.000, me një të katërtën raste të rënda që i bëjnë pacientët të paaftë për punë. Në vende të tjera në botë, megjithatë, diagnoza mbetet e diskutueshme, dhe simptomat shpesh u atribuohen shkaqeve të tjera. Për këtë arsye, McDonald dhe kolegët  vlerësuan 84 anëtarë të grupit mbështetës të Shoqatës Britanike PoTS UK dhe 52 njerëz të diagnostikuar në spitalin Newcastle,  në periudhën 2009-2012. Të gjithëve iu kërkua ti përgjigjen një sërë pyetësorëve të vlefshme për të matur parametra të ndryshme të tilla si lodhjen, të qenët i përgjumur, intolerancën ortostatike, ankthin dhe depresionin. "Pacientët me PoTS kanë simptoma të rëndësishme dhe efekte të mëdha negative, që kanë një ndikim të rëndësishëm në cilësinë e jetës së tyre. Përvoja jonë tregon se disa pacientë nuk janë shëruar kurrë, dhe se një nëngrup përkeqësohet me kalimin e kohës prandaj i duhet kushtuar më shumë vëmendje kësaj sindrome." përfundojnë studiuesit.