nën112021
Covid-19. Ulja e niveleve të insulinës në gjak mund të pakësojë rrezikun për t'u sëmurur
Qëllimi i mbajtjes së niveleve të insulinës në gjak brenda parametrave, fiton edhe më shumë rëndësi falë zbulimit të publikuar në Diabetes, nga një grup studiuesish të Universitetit të Osakës: rregullimi optimal i insulinemisë ndihmon në uljen e rrezikut për t'u sëmurur me COVID-19. Kohët e fundit është sugjeruar se indi dhjamor mund të jetë një rezervuar i rëndësishëm për virusin Sars-CoV-2. Pra, ne vlerësuam ekzistencën e një lidhjeje midis indit të tepërt dhjamor te pacientët e moshuar, obezë dhe diabetikë dhe dobësisë së tyre të shtuar ndaj infeksionit Covid-19", thotë nënshkruesi i parë Jihoon Shin, i cili së bashku me kolegët, verifikoi rolin e GRP78, një proteinë e indit dhjamor që disa studime kanë sugjeruar se mund të përfshihet në ndërveprimin e Sars-CoV-2 me qelizat njerëzore.
"Metoda parësore e hyrjes së Sars-CoV-2 në qeliza është nëpërmjet një proteine sipërfaqësore që lidhet me një proteinë të sipërfaqes së qelizës njerëzore të quajtur enzima konvertuese e angiotenzinës 2 (ACE2)", shkruajnë autorët, të cilët zbuluan se proteina kunj mund të lidhet edhe me GRP78, prania e së cilës shton lidhjen me ACE2. "Për të krijuar një ide të përfshirjes së GRP78 në cenueshmërinë ndaj Covid-19, studiuam sasinë e proteinave të pranishme në indet e pacientëve të moshuar, obezë dhe diabetikë", shpjegon Shini. Dhe, rezultatet, nuk lënë asnjë dyshim: shprehja e gjenit GRP78 rregullohet ndjeshëm në indin dhjamor me një rritje të lidhur drejtpërdrejt me rritjen në moshë, obezitetin dhe diabetin. Autorët zbuluan gjithashtu se ekspozimi i qelizave ndaj insulinës nxiti shprehjen e GRP78 dhe se trajtimi me barna antidiabetike që ulin nivelet e insulinës, ul shprehjen e GRP78. Por, jo vetëm: në modelet kavje, ushtrimet dhe kufizimi i kalorive ulin nivelet e GRP78 në indin dhjamor. "Duke pasur parasysh ndikimin global të pandemisë Sars-CoV-2, rezultatet e marra ofrojnë njohuri të rëndësishme se si të ulet rreziku i infeksionit te këta pacientë, duke reduktuar shprehjen e GRP78 me ndërhyrje farmakologjike ose mjedisore", përfundon Shini.
Diabetes 2021. Doi: 10.2337/db20-1094
http://doi.org/10.2337/db20-1094