gus292023
Nivelet e larta të kolesterolit, një faktor parashikues për zhvillimin e Alzheimerit
Të moshuarit që kanë nivele të luhatshme të kolesterolit dhe triglicerideve mund të jenë më të rrezikuar për të zhvilluar Alzheimer dhe demencë krahasuar me individët me nivele të qëndrueshme të kolesterolit dhe triglicerideve, tregon një studim i publikuar së fundi në "Neurology".
"Kemi një nevojë urgjente për të zhvilluar strategji për parandalimin e Alzheimerit dhe demencës që lidhen me nivelet e larta të kolesterolit dhe triglicerideve", thotë autorja kryesore e studimit Suzette Bielinski nga klinika Mayo në Rochester, SHBA. "Ekzaminimet rutinë për nivelet e kolesterolit dhe triglicerideve kryhen zakonisht si pjesë e kujdesit standard mjekësor. Luhatjet në këto rezultate mund të na ndihmojnë të identifikojmë se kush është në rrezik më të lartë për të zhvilluar demencë, të na ndihmojnë të kuptojmë mekanizmat që çojnë drejt zhvillimit të demencës dhe në fund të përcaktojmë nëse zbutja e këtyre luhatjeve mund të luajë një rol në reduktimin e rrezikut të kësaj patologjie", vazhdon ekspertja.
Për të identifikuar 11,571 njerëz mbi 60 vjeç pa diagnozë paraprake të sëmundjes së Alzheimerit ose demencës, studiuesit përdorën të dhënat e tyre shëndetësore, dhe analizuan matjet e kolesterolit total, triglicerideve, kolesterolit LDL dhe kolesterolit HDL në të paktën tre ditë të ndryshme gjatë pesë viteve të para fillimit të studimit. Më pas ata i ndanë pjesëmarrësit në pesë grupe bazuar në luhatjen e matjeve me kalimin e kohës, duke filluar nga variacioni më i vogël deri te ndryshueshmëria më e madhe. Pjesëmarrësit u ndoqën për një periudhë mesatare prej 13 vitesh gjatë të cilëve 2,473 njerëz zhvilluan sëmundjen e Alzheimerit ose një formë tjetër të demencës.