Barnat për abort. FDA-ja ndërpret shitjen online të Ru486

Artikuj lidhur

30-11-2021 | Pilula anti-Covid. FDA: efektive për parandalimin e formave të rënda, por nuk këshillohet në shtatzëni

15-06-2020 | FDA-ja lejon eksperimentimin me barin e tregtuar në vitet '60 në ish-Çekosllovaki. Mund të ndalë stuhinë e citokinave

10-08-2016 | Ulja e dozave të citalopram rrit sëmundshmërinë dhe vdekshmërinë

FDA-ja ka ndërprerë shitjen online të barnave për abort në portalin Aid Access, i cili mes të tjerave, shiste edhe Ru486.

Me një letër drejtuar sajtit Aid Access, Administrata Amerikane e Ushqimit dhe e Barnave (FDA), ka imponuar ndërprerjen e aktiviteteve të konsultimit dhe shpërndarjes së barnave për abort, në veçanti atë të Ru486, që vjen nga ndërmarrje prodhuese jashtë territorit të SHBA-së.

"Shitja e barnave të pa aprovuara dhe të falsifikuara sjell një rrezik intrinsek për konsumatorët që blejnë produkte të tilla", thuhet në shënimin që FDA-ja i ka dërguar Aid Access, shoqëria e mjekëve dhe aktivistëve pro abortit, që ofron konsulta online dhe mundësinë e dërgimit të barnave për abort, siç janë misoprostole e mifepristone.

"Barnat e reja të paaprovuara nuk kanë të njëjtën garanci sigurie dhe efikasiteti siç e kanë barnat që janë subjekt i mbikëqyrjes së FDA-së. Barnat që kanë shmangur garancitë rregullatore, mund të jenë të kontaminuara, të falsifikuara, të përmbajnë sasi të ndryshme përbërësish aktivë ose përbërës krejtësisht të ndryshëm", vazhdon shënimi.

Aid Access, që ka nisur punë në muajin prill 2018 nga Rebecca Gomperts, ka që nga tetori që është në shënjestrën e hetimeve të FDA-së. Në fillim, Gompertsi kishte deklaruar se aktiviteti ishte tërësisht ligjor, duke qenë se ishte i lejueshëm importimi i barnave për përdorim personal, ashtu si edhe miprostole dhe mifepristone për abort mjekësor. Megjithatë, ndonëse të dyja barnat janë legale, FDA-ja ka rregulla të sakta mbi përdorimin e tyre.
Mifepristone, për shembull, një nga principet e barnave të shitura online, parashikon "indikacione të sakta" mbi mënyrën e përdorimit, REMS-in, një program sigurie që vlerëson dhe zbut rreziqet e një bari të tillë. Autorizimi i përdorimit është i kufizuar brenda klinikave, studiove të mjekëve dhe spitaleve të autorizuara, nën mbikëqyrjen e përshkruesve të certifikuar, të regjistruar në një program të posaçëm.
Mes të tjerash, përshkruesi duhet të ketë mundësi të mbikëqyrë çdo stad të shtatzënisë dhe të jetë i gatshëm të ndërhyjë në mënyrë kirurgjikale. Gjithashtu, procedurat kanë të bëjnë edhe me prodhuesit dhe kanë indikacione mbi magazinimin, zhvendosjen dhe dërgimin përmes numrave serialë. "Duke lehtësuar shitjen e produkteve të paaprovuara, Aidaccess.org po shkakton shkelje të rëndësishme të masave të sigurisë", thuhet në derklaratën e FDA-së.