nën142022
Menopauza. Mënyra e jetesës shton rrezikun për vdekje nga problemet kardiovaskulare
Sipas një studimi spanjoll, mënyra e jetesës te gratë pas menopauzës shton rrezikun për vdekje nga problemet kardiovaskulare. Rezultatet, të përshkruara në Revista Española de Cardiología, tregojnë se kequshqyerja, mënyra sedentare e jetesës, pirja e duhanit dhe çekuilibri i gjumit mbartin një rrezik më të madh të vdekjes nga shkaqet kardiovaskulare.
Dihet tashmë se gratë pas menopauzës janë më të predispozuara për sëmundje kardiovaskulare. Studiuesit donin të konfirmonin të dhënat në Spanjë dhe më pas të përcaktonin elementët që ndikojnë më shumë në vdekshmëri.
"Popullsia e përfaqësuar sigurisht që do të ketë ngjashmëri me vendet fqinje. Ato mund të mos ekstrapolohen te të tjerët, me dallime sociokulturore ose etnike. Në studim, ne i referohemi të dhënave mbi vdekshmërinë e përgjithshme dhe vdekshmërinë nga shkaqet kardiovaskulare me qëllim gjenerimin e modeleve parashikuese për të vlerësuar veçoritë e grave", shpjegoi bashkautori Vicente Bertomeu-González nga Universiteti Miguel Hernández de Elche në Alicante.
Në fakt, studimi ofron një shkallë të thjeshtë rreziku të zbatueshme për gratë pas menopauzës me një aftësi të lartë parashikuese të rrezikut të vdekjes. Në veçanti, shuma e pikëve të secilit prej faktorëve parashikues (mosha, zakoni i pirjes së duhanit, orët e gjumit, aktiviteti fizik, konsumi i perimeve, diabeti dhe shtrimi në spital në vitin e fundit), pasqyron probabilitetin e vdekshmërisë kardiovaskulare për një periudhë 6 vjeçare.
Faktorët specifikë të rrezikut për sëmundjet kardiovaskulare te gratë janë injoruar prej kohësh, duke besuar se këto sëmundje prekin kryesisht burrat.
Siç theksoi Bertomeu-González, paraqitja klinike është gjithashtu e ndryshme midis dy gjinive dhe diagnozës dhe për këtë arsye edhe trajtimi shpesh vonohet në popullatën femërore. "Si rezultat, gratë mund të kenë një prognozë më të keqe se burrat", tha ai.
Në studim, studiuesit përdorën të dhënat e Encuesta Nacional de Salud de España të vitit 2011, në lidhje me afro 6000 gra mbi 50 vjeç (mosha mesatare rreth 66 vjeç) dhe mblodhën karakteristikat që përcaktuan më mirë stilin e jetës së pjesëmarrëseve në lidhje me gjendjen e shëndetësore dhe historinë mjekësore të raportuar gjatë kohës së studimit.
Gjatë ndjekjes (2011-2017), incidenca e vdekshmërisë kardiovaskulare ishte 4%. U zbulua se konsumimi i perimeve më pak se 1 herë në javë, pirja e duhanit, orët e tepërta të gjumit (të paktën 9 orë në ditë) ose kryerja e aktivitetit kryesor të përditshëm, në pjesën më të madhe të kohës ulur lidhen me vdekshmërinë kardiovaskulare (HR respektivisht 1.758, 1.816, 1,809 dhe 2,757,).
Revista Española de Cardiología 2022. Doi: 10.1016/j.recesp.2021.08.008.
https://doi.org/10.1016/j.recesp.2021.08.008