shk142023
Pas një iktusi në shtatzëni, nevojitet kujdes i vazhdueshëm për pasojat afatgjata
Pësimi i një iktusi gjatë shtatzënisë mund të sjellë pasoja afatgjata shëndetësore, sipas një studimi të publikuar në "Stroke".
"Vlerësohet se një iktus mund të ndodhë në rreth 30 nga 100,000 shtatzëni. Iktusi i lidhur me shtatzëninë mbart sëmundshmëri dhe vdekshmëri të lartë në terma afatshkurtër, dhe gratë shtatzëna që kanë pësuar një iktus kanë më pak mundësi të marrin trombolizë intravenoze. Megjithatë, janë të pakta studimet që kanë vlerësuar se cilat janë rezultatet materne gjatë viteve. Prandaj, ne u përpoqëm ta plotësojmë këtë boshllëk", thotë Amy Yu nga Universiteti i Torontos në Kanada, autorje kryesore e studimit.
Studiuesit studiuan të dhënat e grave shtatzëna mbi 49 vjeç banuese në Ontario, të cilat kishin pësuar një iktus, dhe dy grupe krahasimi, pacientet jo shtatzëna që kishin pësuar iktus dhe pacientet shtatzëna që nuk kishin pësuar iktus.
U identifikuan 217 paciente shtatzëna me iktus, 7,604 paciente jo shtatzëna me iktus dhe 1,496,256 paciente shtatzëna pa iktus. Koha mesatare të ndjekjes ishte pesë vjet për iktusin lidhur me shtatzëninë, tre vjet për iktusin te gratë që nuk ishin shtatzënë dhe tetë vjet për shtatzënitë pa iktus. Nga 202 paciente shtatzëna me iktus, 41.6% e tyre vdiqën ose u shtruan në spital gjatë monitorimit.
Pacientet shtatzëna që kishin pësuar një iktus kishin një rrezik më të ulët të vdekjes dhe rihospitalizimit nga të gjitha shkaqet, krahasuar me pacientet jo shtatzëna që kishin pësuar një iktus gjatë një viti ndjekje, lidhje e cila nuk vazhdoi gjatë ndjekjes afatgjatë. Megjithatë, pacientet shtatzëna me iktus kishin një rrezik më të lartë të vdekjes dhe rihospitalizimit sesa pacientet shtatzëna pa iktus gjatë ndjekjes prej një viti, lidhje e cila vazhdoi për një dekadë.
Autorët arritën në përfundimin se gjetjet e tyre mbështesin nevojën për një zhvendosje nga kujdesi postpartum në atë parësor ose të specializuar për kujdesin e grave shtatzëna që kanë pësuar një iktus, për të optimizuar shëndetin e tyre vaskular.
Stroke 2023. Doi: 10.1161/STROKEAHA.122.041471
http://doi.org/10.1161/STROKEAHA.122.041471