sht32024
Zbulohen më shumë se 10.000 gjenome mikrobesh në ushqim. Ja, studimi italian
Ushqimi që konsumojmë, përmban një numër të madh mikrobesh që mund të ndikojnë, jo vetëm në cilësinë e ushqimeve, por edhe në mikrobiomën e njeriut, pra janë bashkësia e mikroorganizmave që përmban trupi ynë. Megjithatë, deri më tani, njohuritë mbi mikrobet e pranishme në ushqim kanë qenë të kufizuara. Një kthesë e rëndësishme erdhi falë një projekti studimi ndërkombëtar, nëpërmjet të cilit është krijuar një bazë të dhënash të mikrobiomës ushqimore, e cila përfshin metagjenomet e 2.533 ushqimeve të ndryshme.
Në mënyrë tradicionale, mikrobet e pranishme në ushqime kultivoheshin vetëm në laborator, duke qenë një proces i gjatë dhe jo gjithmonë efikas. Në fakt, grupi Segata ka përdorur metagjenomikën, një teknikë e përparuar që krijon mundësinë e segmentimit të njëkohshëm të të gjithë materialit gjenetik të një kampioni ushqimor. Qasja e studiuesve ka lejuar analizimin e më shumë se 2.500 metagjenomeve nga 50 shtete, përfshirë edhe 1.950 të segmentuar për herë të parë. Përmes analizimit të këtyre kampioneve, nga studimi u identifikuan 10.899 gjenome mikrobike, gjysma e të cilëve i përkiste specieve që kanë qenë të panjohura deri më tani. Ky studim ka treguar se mikrobet e pranishme në ushqime mund të përbëjnë gati 3% të mikrobiomës intestinale të një të rrituri, si dhe 56% të mikrobiomës intestinale të një fëmije. Gjithashtu, në të u zbulua se mikrobet e lidhura me ushqimin i përkisnin 1.036 specieve bakteriale dhe 108 specieve mykotike, si dhe që ushqimet e ngjashme prireshin të mbartnin mikrobe të ngjashme, me një shumëllojshmëri veçanërisht të lartë te produktet e qumështit. Edhe pse shumë pak baktere janë konsideruar si potencialisht patogjene, disa mikrobe mund të ndikojnë negativisht në shijen, ose ruajtjen e ushqimit, informacion i dobishëm ky për përmirësimin e cilësisë së ushqimit dhe për rregullatorët.
Zbulimi
Një nga zbulimet më interesante lidhet me mikrobet e pranishme në ushqim që mund të hyjnë në mënyrë të qëndrueshme në mikrobiomën e njeriut. Duke krahasuar bazën e re të të dhënave me 19.833 metagjenomet e njeriut të segmentuara më parë, ekipi i studimit zbuloi se speciet mikrobike të ushqimit përbëjnë gati 3% të mikrobiomës intestinale të të rriturve dhe më shumë se 50% të asaj të të porsalindurve. Kjo sugjeron se disa mikrobe intestinale mund të merren direkt nga ushqimi, me implikime të konsiderueshme për shëndetin e njeriut.
Implikimet në shëndetin e njeriut
Sipas një prej autorëve kryesorë të studimit, Nicola Segata, ky është sondazhi më i madh i realizuar ndonjëherë mbi mikrobet në ushqime. Falë këtyre të dhënave, do të jetë e mundur që studiuesit të thellohen më tej mbi mënyrën se si ndikojnë mikrobet në cilësinë, ruajtjen dhe sigurinë e ushqimit që konsumojmë.
Ai shton edhe se pavarësisht se 3% mund të duket një shifër e ulët, ajo mund të jetë jashtëzakonisht e rëndësishme për funksionin dhe rolin e këtyre ushqimeve në organizmin tonë. Kjo bazë të dhënash u hap rrugën perspektivave të reja për studime në një shkallë më të gjerë mbi mënyrën e ndikimit të veçorive mikrobike të ushqimeve në shëndetin tonë.