dhj12014

Protezat ortopedike: Nevojiten rregulla të reja për përdorimin e tyre

Jo gjithmonë e reja është më e mirë se e vjetra. Kjo, të paktën, është ajo që ndodh për protezat koksofemorale dhe ato të gjurit, sipas një shqyrtimi të literaturës të botuar në British Medical Journal: protezat më të fundit, në fakt, nuk duket të ketë përfitime të rëndësishme klinike në krahasim me protezat e vjetra. Gjithashtu siguria e pajisjeve të gjeneratës së re mund të mos kënaq pritshmëritë, paralajmërojnë studiuesit, të cilët kërkojnë edhe një survejim më të rritur për t'u shmangur pacientëve vendosjen e protezave të reja nëse nuk ka përfitime të mëdha klinike apo shqetësime paraprake. "Që kur kanë rezultuar evident disa defekte të theksuara të disa metaleve në protezat koksofemorale, futja e pajisjeve të përbashkëta të gjeneratës së fundit ka qenë në qendër të diskutimeve shkencore dhe politikave, duke lënë një nevojë urgjente për të vlerësuar me kujdes futjen e impianteve të rinj",  thotë Art Sedrakyan i Weill Cornel Medical College në New York, koordinator i një grupi ndërkombëtar studiuesish, të cilët në bashkëpunim me Food and Drug Administration (FDA) shqyrtuan pesë pajisje të futura kohët e fundit në treg, të përdorura gjerësisht për zëvendësimin total të artikulacionit koksofemoral (PTCF). "Rezultatet e provave klinike dhe studime vëzhgimore të kryera mbi 15.384 implante të kryera në 13.164 pacientë dhe të dhënat kombëtare të regjistrave u përdorën për të krahasuar sigurinë dhe efektivitetin e gjeneratës së re së pajisjeve të protezave në krahasim me ato para-ekzistuese, përdorur me të njëjtat indikacione", rinis studiuesi, duke theksuar se asnjë nga pesë implantet e ekzaminuara nuk ka tejkaluar krahasimin me më të vjetrat. "Asnjë prej tyre nuk ishte më e sigurt ose më e besueshme në kohëzgjatje se sa ato të gjeneratës së fundit, dhe kjo tregon se teknologjitë e reja janë futur në treg pa prova klinike të mjaftueshme mbi cilësinë dhe dobiprurjen", përfundon Sedrakyan.
"Këto të dhëna theksojnë mangësinë e rregullave në Evropë, SHBA dhe vende të tjera në fushën e risive të pajisjeve implantuese", thotë në një editorial Aaron Kesselheim, i Departamentit të farmakoekonomisë në Brigham and Women's hospital në Boston, duke rënë dakord në mënyrë të plotë me rekomandimet e autorëve të studimit për nevojën e rregullave që kufizojnë futjen e pajisjeve të reja mjekësore derisa të ketë prova të besueshme për efikasitetit dhe sigurinë e tyre. "Strategjitë që ofrojnë mbikqyrje më të madhe të teknologjive të reja në pajisjet mjekësore dhe të marketingut të tyre do të jetë hap kyç për të promovuar një përdorim më racional të këtyre protezave", përfundon Kesselheim.