Mjeku i familjes: karta e shëndetit për pacientët, i kursen 10 orë punë në muaj

tags: Shëndetësi, operatorët e shëndetësisë, ministria e shëndetësisë

Artikuj lidhur

06-02-2015 | Mjekët në Tiranë e Gjirokastër protestojnë kundër dhunës dhe testimit

28-01-2015 | Testimi: debate të ashpra në Komisionin e Shëndetësisë mes deputetëve dhe ministrit të Shëndetësisë

14-10-2014 | Ligji i ri i Barnave, aktet nënligjore në shërbim të këtij ligji

Fondi i Sigurimit të Detyrueshëm të Kujdesit Shëndetësor ka nisur shpërndarjen e Kartës së Shëndetit për pacientët. Kjo kartë e cila zëvendëson librezën shëndetësore do të jetë falas për pacientin dhe do të lehtësojë punën e mjekut të familjes, i cili nuk do të firmosë më për çdo faqe të librezës, për çdo rast që pacientit i duhej, siç ka ndodhur deri më tani. Nga një kalkulim I bërë, rezulton se mjeku do të kurseje 600 minuta në muaj. Pra janë 10 orë pune të cilat do të shkojnë për vizitat apo aktivitetiet e tjera që mjeku duhet të kryeje në vend që të shpenzohen për mbushjen apo rifreskimin e librezës sa here i përfundonte afati. Drejtori i FSDKSH Dr. Astrit Beci tha se karta e shëndetit do të sjellë benefite jo vetëm për pacientin por për të gjithë sistemin shendetësor.
"Do të shkurtohet edhe koha e pritjes për vizitën te mjeku i familjes, pasi ky i fundit nuk do të detyrohet që të plotësojë faqet e librezës për çdo recetë të lëshuar. Gjithashtu pacienti do të marrë më shpejt shërbimin në farmaci për recetat e rimbursueshme, pasi shmanget koha e pritjes për regjistrimin e fletëve të librezës", u shpreh Beci.
Për pensionistët karta e shendetit do të jetë falas dhe e përhershme, ndërsa për personat e tjerë të siguruar si : të punësuarit dhe të vetëpunësuar, personat e siguruar vullnetarisht, fëmijët, invalidët, gratë shtatzëna, personat që trajtohen me ndihmë ekonomike, punëkërkuesit, viktimat e trafikimit etj kjo kartë do të jetë e zëvendësueshme. Deri më tani janë shpërndarë 12 mijë karta nëpër drejtoritë e FSDKSH-së.