Specializimet, FM publikon rezultatet e provimit

Artikuj lidhur

22-02-2023 | Universiteti Mjekësisë. Për vitin akademik 2022-2023 pranohen 325 kandidatë. Më shumë mjekë anestezistë dhe mjekë familjeje

15-02-2022 | Specializimet në Mjekësi. Rektori, prof. Arben Gjata: Këtë vit, më shumë kardiologë, anestezistë, pneumologë dhe infeksionistë

22-02-2019 | Mjekët specializantë që nuk shkojnë në spitalet rajonale ku janë caktuar, i kthejnë shtetit 20 milionë lekë

Po shkon drejt përfundimit gara e kandidatëve për të fituar një nga 186 kuotat e specializimeve afatgjata në Mjekësi. Rreth 270 aplikantë konkurruan për t'u specializuar në një nga degët e mjekësisë, duke iu nënshtruar së pari testit me gojë e më pas atij të informatizuar, ndërkohë që nesër në ditën e fundit, testin e japin kandidatët e stomatologjisë.

Fakulteti i Mjekësisë ka nxjerrë sot në mesditë, listën e kandidatëve me pikët e marra në testimin e informatizuar, zhvilluar në datat 20 , 21 shkurt dhe 22 shkurt.
Të pakënaqurit me pikët mund të ankimojnë me shkrim rezultatin brenda këtyre dy ditëve, ndërsa Komisioni i Vlerësimit pasi shqyrton ankesën merr një vendim jo më vonë se 48 orë nga marrja e ankesës.
Në përfundim të procesit Komisioni do të përpilojë listën përfundimtare të kandidatëve sipas pikëve totale ku do të përfshihen: pikët e mesatares, të intervistës dhe të provimit të informatizuar.
Zgjedhja e programit të specializimit bëhet brenda dy ditëve nga shpallja e rezultateve përfundimtare. Duke u bazuar në preferencën e shprehur nga kandidatët dhe disponueshmërinë e kuotave të programit përkatës të studimit, fitues do të shpallen ata me pikët më të larta sipas rendit zbritës.

Klikoni në fjalët e nëvizuara për të parë pikët e provimit të informatizuar.