pri202023

Miratohet udhëzuesi për kriteret e kandidatëve të shefave të shërbimit. Prof. Arben Gjata: Do të kandidoj sërish

Artikuj lidhur

07-06-2023 | Transplanti i veshkave. Prof. dr. Arben Gjata: Brenda vitit do të kryhet në shërbimin e nefrologjisë në QSUT

11-04-2023 | Nis përzgjedhja e kandidatëve për specializimet. Rektori Arben Gjata: Kemi gati planin e frenimit të ikjes

29-03-2024 | Prof. dr. Arben Gjata: Ja, kriteret e pranimit në degën e mjekësisë. Arrijmë në 500 kuota

Shefat e shërbimeve në Qendrën Spitalore Universitare "Nënë Tereza" do të ndryshojnë. Është miratuar dhe botuar në fletoren zyrtare udhëzuesi ku përcaktohen edhe pikët e vlerësimit për kandidatët që duan të marrin në dorë drejtimin e shërbimeve shëndetësore në qendrën më të madhe spitalore në vend. Minimumi që duhet të plotësojë një kandidat që të marrë pjesë në garë është që duhet të ketë gradën doktor shkencash. Shefi i shërbimit të kirurgjisë prof. Arben Gjata sqaron për Doktor33 se kontrata e shefave aktualë përfundon në muajin shtator.

"Zgjedhjet para katër vitesh janë zhvilluar në muajin maj, por deri sa u lidhën kontratat me shefat aktualë procesi zgjati deri në shtator, kështu që ata atëherë do të largohen nga detyra. Ndërkohë ne i kemi filluar procedurat dhe këto ditë hapet gara për kandidatët e rinj", u shpreh prof. Arben Gjata.

I pyetur nëse do të marrë pjesë në garë këtë vit, prof. Gjata u përgjigj për Doktor33 se do të garojë sërish për shef shërbimi. Sipas tij ligji i lejon të gjithë mjekët që plotësojnë kiteret dhe që nuk e kanë mbushur ende moshën e pensionit, ndonëse mund të jenë afër saj.

Në udhëzimin e ri janë përcaktuar pikët e vlerësimit. Nëse kandidati ka vetëm gradën "doktor shkencash" vlerësohet me 5 pikë, titulli "professor i associuar" me 10 pikë, titulli "profesor" ka 15 pikë. Ndërsa projekti i tij dhe vizioni për të drejtuar një shërbim për 4 vite vlerësohet me 53 pikë dhe po kështu komisioni do të vlerësojë aftësinë profesionale dhe organizative në strukturat shëndetësore me 14 pikë.

Për shkak të moshës së pensionit disa nga shefat që kanë drejtuar për 4 vjet shërbime të rëndësishme si: kardiologjia, nefrologjia apo sëmundjet interne nuk do të mund të marrin pjesë në garë, duke ua lënë vendin kandidatëve të rinj.

Alma Demiraj

Udhëzuesi për miratimin e kritereve të vlerësimit të kandidatëve për drejtues të shërbimit në strukturat shëndetësore universitare

https://qbz.gov.al/eli/fz/2023/64/f09b817b-fa08-4614-82e9-4dab85d6f646