jan242023
Roli i citomegalovirusit në zhvillimin e leucemisë limfoblastike pediatrike
Në një studim të botuar në "JAMA Network Open", studiuesit me në krye Jennifer Geris nga Universiteti i Minesotës kanë vlerësuar lidhjen midis infeksionit kongjenital të citomegalovirusit (cCMV) dhe leucemisë akute limfoblastike LLA), duke arritur në përfundimin se prania e cCMV-së rrit rrezikun për LLA hiperdiploidike.
"LLA-ja është forma më e zakonshme e kancerit te fëmijët dhe përbën rreth 20% të tumoreve malinje të diagnostikuara te individët nën 20 vjeç dhe predispozita gjenetike me penetrancë të lartë, si sindroma Down, përbëjnë më pak se 5% të rasteve", shkruajnë autorët, duke shtuar se ata kanë hipotezuar edhe faktorë të rrezikut mjedisor, si ekspozimi ndaj rrezatimit jonizues.
Të dhënat nuk janë përfundimtare, megjithëse CMV-ja është shfaqur si një faktor i mundshëm rreziku në vitet e fundit. Për të hetuar më tej këtë temë, studiuesit studiuan infeksionin cCMV në një provë të bazuar në popullatë, në të cilën u përfshinë fëmijë të moshës 0-14 vjeç, të lindur pas 1 tetorit 1987 në Michigan dhe të diagnostikuar me LLA. 1199 pacientë u përzgjodhën në grupin e LLA-së dhe 4796 në atë të kontrollit.
"Në ekuilibër, megjithëse nuk është shfaqur asnjë lidhje midis infeksionit pediatrik LLA dhe Ccmv-së, ne kemi zbuluar një lidhje midis infeksionit kongjenital të citomegalovirusit dhe LLA-së hiperdiploidike. Këto rezultate, si dhe besueshmëria biologjike në rritje e lidhjes midis cCMV-së dhe LLA-së, nënvizojnë nevojën për studime të mëtejshme që të demonstrojnë qartë marrëdhënien midis tyre", përfundon Greisi.
Edhe pse CMV-ja është konsideruar prej kohësh një onkomodulues i mundshëm, duke pasur parasysh praninë e tij në tumore dhe aftësinë për të transformuar qelizat, ai vetëm së fundi është lidhur me leuceminë. Jemi ende në fillim të studimeve për rolin e CMV-së dhe LLA-së, por janë të shumta premtime për shëndetin dhe mirëqenien e fëmijëve tanë në të ardhmen", shkruan në një editorial të lidhur Joseph Wiemels nga Universiteti i Kalifornisë Jugore në Los Anxhelos.
JAMA Network Open 2023. Doi: 10.1001/jamanetworkopen.2022.50219
http://doi.org/10.1001/jamanetworkopen.2022.50219
JAMA Network Open 2023. Doi: 10.1001/jamannetworkopen.2022.50226
http://doi.org/10.1001/jamannetworkopen.2022.50226