sht172015
Gratë afro-amerikane në menopauzë kanë një risk më të lartë për infarkt se të bardhat
Menopauza konsiderohet një faktor risku për sëmundjet kardiake, por në krahasim me burrat, gratë në moshë post-menopauze kanë më pak mundësi për të humbur jetën nga infarkti i miokardit. Diferencë që sipas përfundimeve të një artikulli të sapo publikuar në "Journal of the american heart association" është më pak e dukshme mes afro-amerikanëve. Në studimin e financuar nga "National institute of neurological disorders and stroke", ku u krahasua risku i infarktit te burrat dhe gratë në menopauzë, morën pjesë 23.086 persona mbi 45 vjeç. Dhe duke analizuar të dhënat, studiuesit zbuluan se gratë e bardha në menopauzë kirurgjike kishin 35% ulje të riskut për infarkte jo fatale ose evente të tjera kardiake në krahasim me burrat e bardhë. Ky reduktim arrinte në 55% për menopauzën natyrale. Nga ana tjetër, risku për evente kardiake jo fatale ishte më pak i dukshëm te personat në etni afro-amerikane. Në këtë rast gratë me menopauzë të shkaktuar në mënyrë kirurgjike kishin 19% ulje të riskut për evente jo vdekjeprurëse në krahasim me meshkujt dhe rritej në 31% nëse menopauza ishte natyrale.
"Fakti që diferencat e vëzhguara nuk janë statistikisht domethënëse sugjeron se avantazhi i menopauzës natyrale nuk është shumë më e madhe se ai i menopauzës kirurgjike", shpjegon Catherine Kim, bashkautore e artikullit dhe prof. e asociuar në Universitetin e Miçiganit. Dhe vazhdon: "Gratë afro-amerikane në menopauzë duhet të jenë të vetëdijshme se risku për t'u prekur nga sëmundje kardiake nuk është domosdoshmërisht më i vogël krahasuar me burrat". Prandaj është veçanërisht e rëndësishme që afro-amerikanet në moshë post-menopauze të ruajnë një stil të shëndetshëm jete dhe ndër të tjera një ushqyerje korrekte e ushtrime fizike të rregullta. "Gjë që ndër të tjera duhet ta bëjnë të gjitha gratë pas menopauze, meqë sëmundjet e zemrës janë shkaku i parë i vdekjeve", përfundon studiuesja.
J Am Heart Assoc. 2015. doi: 10.1161/JAHA.115.001881