nën182015
Hepatiti C, terapia e kombinuar e daclatasvir, sofosbuvir dhe ribavirine në pacientët me gjenotip 3 rezulton me efikasitet të lartë
Pacientët me hepatit C mbështetur nga virusi me gjenotip 3 mund të kenë norma të larta shërimi, të cilat arrijnë në 92% falë administrimit të kombinuar të daclatasvir, sofosbuvir dhe ribavirinës.
Të dhënat janë nxjerrë nga një studimi i fazës (IIIb Ally-3+) i cili ka parashikuar administrimin e tre barnave për 12 deri në 16 javë duke arritur norma përgjigjeje të virologjisë, respsektivisht të barabarta me 88% dhe 92% te pacientët me gjenotip 3 dhe fibrozë të avancuar apo cirozë në mëlçi.
Rezultatet janë prezantuar në San Francisko gjatë "The Liver Meeting 2015", kongresi vjetor i Shoqatës amerikane për studimin e sëmundjeve të mëlçisë (AASLD).
Gjenotipi 3 është i dyti më i përhapuri në botë dhe është i pranishëm në 54.3 milionë pacientë. Është më i vështiri për t'u kuruar nga momenti që shfaqet në një natyrë agresive, duke qenë i asociuar me një progresion më të shpejtë të fibrozës hepatike, me një rritje më të madhe të steatozës, si dhe me një risk më të lartë të karcinomës hepato-qelizore. Studime të fundit kanë indikuar se risku i cirozës te pacientët me Hcv gjenotip 3 është më i lartë me 31% në krahasim me ata me Hcv gjenotip 1.
Në total janë trajtuar 50 pacientë (24 pacientë për 12 javë dhe 26 për 16 javë). Pjesa më e madhe përbëhej nga pacientë të gjinisë mashkullore (80%), të bardhë (98%) dhe të patrajtuar paraprakisht 74% (nga këta 10% kishte pësuar një rikthim virologjik edhe pas terapisë me sofosbuvir + ribavirina); 72% kishte cirozë dhe 52% një dozim i HCV ARN me të paktën të paktën 6 milionë IU/mL.
Karakteristikat bazë ishin të krahasueshme në të dyja krahët. Terapia e kombinuar ka treguar se zotëron një profil të mirë sigurie. Administrimi nuk ka pësuar ndërprerje për shkak të efekteve anësore, të lehta ose të rënda të lidhura me trajtimin. Efektet anësore më të shpeshta kanë qenë pagjumësia (30%), lodhja (26%) dhe cefalea (24%). Gjithashtu ripërsëritje virologjike janë verifikuar në 4 pacientë (2 në grupin prej 12 javësh dhe dy në atë prej 16 javësh). Në studim është regjistruar një vdekje jo e lidhur me trajtimin (në grupin prej 12 javësh)./D.Gj.