nën242022
Agjërimi me ndërprerje nuk ndikon në fertilitetin femëror
Të dhënat e disponueshme pohojnë se agjërimi me ndërprerje redukton peshën në mënyrë efektive, nga një studim i publikuar në Obesity, i nënshkruar nga Krista Varady nga Universiteti i Illinoisit në Çikago dhe kolegët, ka rezultuar se kjo strategji ushqimore nuk ndikon ndjeshëm në hormonet riprodhuese femërore.
Për të arritur në këto përfundime, studiuesit analizuan një grup grash obeze para dhe pas menopauzës të cilat ndoqën agjërimin me ndërprerje për tetë javë. Me një dritare ushqimi të kufizuar për vetëm katër orë në ditë, gjatë së cilës pjesëmarrëset mund të konsumonin ushqim pa asnjë kufi kalorik përpara se të rifillonin agjërimin ditën tjetër.
Në ekuilibër, duke matur diferencat në përqendrimin e hormoneve në gjak në grupin e kontrolluar nëpërmjet dietës kundrejt kontrolleve të kufizuara në dietë, Varady dhe ekipi zbuluan se nivelet e globulinës lidhëse të hormoneve seksuale (SHBG), një proteinë e prodhuar në mëlçi që transporton riprodhimin e hormoneve në të gjithë trupin, mbeti e pandryshuar te gratë që mbajtën dietë për tetë javë.
E njëjta gjë vlen edhe për testosteronin dhe androstenedionin, një hormon steroid që trupi e përdor për të prodhuar testosteronin dhe estrogjenin. Në anën tjetër, dehidroepiandrosteroni (DHEA), një hormon i përdorur në klinikat e fertilitetit për të përmirësuar funksionin ovarian dhe cilësinë e vezëve, u reduktua si te gratë që ishin para dhe te ato që ishin pas menopauzës.
Studimi mati gjithashtu nivelet e estradiolit, estronit dhe progesteronit te gratë pas menopauzës, duke mos gjetur ndryshime në fund të ndjekjes tetë-javore.
Te gratë në dietë, përveç uljes së rezistencës ndaj insulinës dhe bioshënjuesve të stresit oksidativ, u vu re një rënie në peshë prej 3-4% nga pesha fillestare në krahasim me grupin e kontrollit në të cilin pesha mbeti e pandryshuar.
"Ne kemi studiuar mijëra gra, para dhe pas menopauzës të cilat i janë nënshtruar strategjive të ndryshme të agjërimit me ndërprerje, të kufizuar në kohë dhe duket se ato hanë më pak duke reduktuar dritaren e ngrënies dhe rrjedhimisht marrjen e kalorive. Meqë shumë nga informacionet negative për agjërimin me ndërprerje vijnë nga studimet mbi minjtë, nevojiten më shumë studime për të ekzaminuar efektet e tij te njerëzit", përfundon Varady.
Obesity 2022. Doi: 10.1002/oby.23562
http://doi.org/10.1002/oby.23562