mar32023
Migrena te gratë shtatzëna mund të ofrojë indikacione për rrezikun obstetrik
Historia e migrenës, dhe në një masë më të vogël, fenotipi sipas të cilit ajo shfaqet zakonisht, mund të japin indikacione të rëndësishme për vlerësimin dhe menaxhimin e rrezikut obstetrik, sipas një studimi të publikuar në "Neurology".
"Migrena është një çrregullim neurovaskular, i përhapur kryesisht në mesin e grave në moshë riprodhuese. Megjithatë, është e paqartë nëse historia dhe fenotipi i migrenës mund të shërbejnë si tregues klinikisht të dobishëm për rrezikun obstetrik", tha Alexandra Purdue-Smithe nga Shkolla Mjekësore e Harvardit në Boston, autorja kryesore e studimit.
Për të sqaruar më mirë këtë çështje, studiuesit shqyrtuan lidhjet e migrenës dhe fenotipit të saj para shtatzënisë me rrezikun e rezultateve negative të shtatzënisë.
Analiza përfshiu 30,555 shtatzëni të nisura pas regjistrimit në studimin gjatësor Nurses' Health Study II (1989-2009) të 19,694 grve pa histori të sëmundjeve kardiovaskulare, diabetit ose kancerit.
Pas përshtatjes për moshën, mbipeshën dhe faktorët e tjerë të shëndetit dhe sjelljes, u tregua se migrena para shtatzënisë (11%) mund të rrisë rrezikun për lindje të parakohshme, hipertension gjestacional dhe preklampsi, krahasuar me gratë pa migrenë.
Edhe pse, nuk u gjet asnjë lidhje mes migrenës dhe peshës së e ulët të lindjes ose diabetit gjestacional.
Rreziku për preklampsi rezultoi të ishte pak më i lartë në mesin e grave me migrenë me aure krahasuar me ato me migrenë pa aure, ndërsa rezultatet e tjera ishin të ngjashme për fenotipe të ndryshme të sëmundjes.
Pjesëmarrëset me migrenë që raportuan se përdornin rregullisht aspirinë para shtatzënisë, ishin më pak të rrezikuara për të kryer lindje të parakohshme dhe për të zhvilluar preklampsi; megjithatë, ekspertët theksojnë se këto analiza të shtresuara kishin kufizime.
"Kërkimet e ardhshme duhet të përcaktojnë nëse profilaksia e aspirinës mund të jetë e dobishme për parandalimin e rezultateve të pafavorshme të shtatzënisë te gratë me një histori të migrenës", përfundojnë autorët.
Neurology 2023. Doi:10.1212/WNL.0000000000206831
https://doi.org/10.1212/WNL.0000000000206831