kor262018

Kardiokirurgjia. FDA-ja aprovon përdorimin e pajisjeve MitraClip, të përmirësuara

Artikuj lidhur

23-05-2022 | Stenoza e aortës. Më mirë të ndërhyhet para se të shfaqen simptomat

12-05-2022 | Parandalimi kardiovaskular. Medikamentet e bazuara në evidenca, shpesh, nuk shfrytëzohen nga pacientët në rrezik

21-04-2022 | Rritja e presionit të gjakut në moshën e mesme shoqërohet me ndryshime të trurit

Siç është bërë e njohur nga ndërmarrja prodhuese Abbott Vascular në një deklaratë për shtyp, FDA-ja ka aprovuar për përdorim brezin e tretë të sistemit  MitraClip për riparimin e valvulës mitrale nëpërmjet kateterit.
MitraClip-i e kishte marrë aprovimin fillestar në SHBA në fund të vitit 2013 për pacientët simptomatikë me regurgitim mitral degjenetariv, të cilët konsiderohen me rrezik të lartë për kirurgji.

"Sistemi MitraClip i brezit të ri, u ofron kardiologëve mundësi të përparuara lakimi, navigimi dhe pozicionimi për klipin, duke e bërë më të lehtë për t'u përdorur në anatomitë e vështira", konfirmon ndërmarrja. Sistemi i brezit të tretë përfshin pajisjen MitraClip XTR dhe pajisjen MitraClip NTR. Këto dy pajisje kanë veti përmirësimi, që japin mundësi për të arritur një saktësi më të lartë; gjithashtu, MitraClip XTR-ja jep mundësi për zgjedhjen e një dimensioni të dytë të klipit, me krahë më të gjatë se 3 mm, që zgjerojnë shtrirjen e pajisjes në 5 mm, krahasuar me atë të MitraClip NTR.

"Mjekët i besojnë pajisjes MitraClip si një alternativë ndaj kirurgjisë për pacientët që nuk janë kandidatë të mirë për ndërhyrje, por mund të kenë nevojë për një trajtim që lehtëson simptomat e tyre ose për mbijetesë. Modeli MitraClip i përmirësuar ofron navigim edhe më të saktë, kujdes dhe qëndrueshmëri gjatë riparimeve valvulare, faktorë të rëndësishëm këta, në trajtimin e njerëzve me valvula më të ndërlikuara ose me sëmundje të përparuar", shpjegon në deklaratën për shtyp Francesco Maisano, që prej shumë kohësh e implanton këtë lloj pajisjeje në Spitalin Universitar të Zyrihut. Abbotti ka marrë markën CE në fillim të këtij viti për shitjen në Europë të sistemit MitraClip të brezit të tretë.

"Inxhinierët Abbott i kanë projektuar këto përmirësime në bazë të përshtypjeve që kanë dhënë mjekët në lidhje me përmirësimin e sistemit të aparaturës, si dhe për trajtimin e më shumë rasteve dhe anatomive", thotë Michael Dale, nga Abbott.

Aktualisht, po zhvillohet një studim perspektiv, MitraClip EXPAND, për të vlerësuar sigurinë dhe pritshmëritë e sistemit të ri në një kohorte të botës reale prej rreth 1.000 pacientësh, me rezultate të mesme të pritshme deri në fund të vitit.

Deklarata për shtyp, Abbott