pri162019
Pajisjet kardiake të implantueshme. FDA: Janë të cenueshme nga hakerët kibernetikë
Siguria kibernetike e disa pajisjeve mjekësore kardiake të prodhuara nga Medtronic, mund të jetë në rrezik. Alarmin e ka dhënë Administrata Amerikane e Ushqimit dhe e Barnave (FDA) në një komunikatë sigurie. Pajisjet e përfshira janë defibrilatori kardioversor i implantueshëm (ICD) dhe defibrilatori i implantueshëm për terapinë risinkronizuese (CRT-D), i cili, i futur brenda lëkurës në zonën e sipërme të kraharorit dhe i lidhur me zemrën nëpërmjet fijeve elektrike, bën të mundur rregullimin e ritmeve kardiake shumë të ngadalshme ose shumë të shpejta, përmes stimulimit ose shokut elektrik.
FDA-ja shpjegon se cenueshmëria është e lidhur me protokollin e telemetrisë vvireless Conexus, të përdorur si pjesë e metodës së komunikimit mes programuesve klinikë, monitorëve shtëpiakë dhe pajisjeve kardiake. Sistemi Conexus nuk ka nevojë për kriptografi, autenticizim apo autorizim, një mungesë që, siç shpjegojnë ekspertët e FDA-së, "mund t'i japë mundësi një individi të paautorizuar (dikujt tjetër, përveç mjekut dhe pacientit) që të hyjë dhe të modifikojë pajisjen e implantueshme, ekranin shtëpiak ose programuesin klinik".
Deri më sot, FDA-ja nuk ka marrë asnjë sinjalizim për dëme të shkaktuara pacientëve nga kjo cenueshmëri dhe saktëson se po punon se bashku me Medtronic-un për krijimin dhe implementimin e përditësimeve të sigurisë. Në komunikatë, u rekomandohet operatorëve shëndetësorë dhe pacientëve që të vazhdojnë t'i përdorin pajisjet siç parashikohet dhe të ndjekin etiketat, duke inkurajuar sinjalizimin e çdo lloj problemi të hasur.
Gjithashtu, FDA-ja kujton se siguria informatike e çdo lloj pajisjeje mjekësore të lidhur me një rrjet komunikimi (wi-fi, internet publik apo shtëpiak) mund të jetë i cenueshëm, por njëkohësisht është e rëndësishme të nënvizojmë se përdorimi në rritje i teknologjisë vvireless dhe të softvvare-it në pajisjet mjekësore, ofron një asistencë shëndetësore më të sigurt, bindëse dhe në kohën e duhur.
Për këtë çështje është folur edhe më parë (shkrimin mund ta lexoni këtu), por këtë herë, komunikata bëhet nga një institucion i rëndësishëm rregullator, siç është FDA-ja.
FDA - komunikatë sigurie
https://www.fda.gov/MedicalDevices/Safety/AlertsandNotices/ucm633