jan132023

Parkinsoni. Kur pasojat ndikojnë në jetën e përditshme

Artikuj lidhur

05-09-2023 | Parkinsoni. Një analizë gjaku mund të bëjë të mundur diagnostikimin e hershëm

11-03-2022 | Parkinsoni. Në disa popullata është më e vështirë të identifikohen simptomat e parakohshme. Ja, cilat janë ato

05-11-2024 | Diabeti latent autoimun te të rriturit. Ja, çfarë është dhe si trajtohet

Njerëzit me Parkinson në fazën prodromale ose të panjohur mund të shfaqin pasoja më të rënda në aktivitetet e përditshme që përfshijnë lëvizshmërinë dhe forcën deri në tre vjet përpara diagnostikimit krahasuar me popullatën e përgjithshme, sipas një studimi të botuar në JAMA Neurology.

"Ne u munduam të vlerësonim nëse ka kufizime funksionale te individët me Parkinson përpara diagnostikimit në krahasim me popullatën e përgjithshme për të dhënë një pamje më të plotë të situatës", thotë autori kryesor i studimit Cameron Miller-Patterson nga Universiteti i Pensilvanisë në Filadelfia.

Ekspertët përdorën të dhëna të lidhura me Medicare nga Studimi Kombëtar i Shëndetit dhe Trendeve të Plakjes (NHATS), një anketë gjatësore e kryer në SHBA për të gjetur një nën-kampion të rastësishëm të përfituesve të Medicare mbi 65 vjeç për t'iu referuar një sondazhi me pyetje rreth shkathtësisë, ushqyerjes, lëvizshmërisë, humorit, dhimbjes, gjumit, forcës dhe shikimi.

Një total prej 6674 individësh u përfshinë në studim dhe analizat treguan se pacientët me sëmundjen e Parkinsonit në fazë prodromale kishin më pak mundësi të raportonin se ishin në gjendje të ecnin gjashtë blloqe, të ngriheshin vetë nga një pozicion i gjunjëzuar ose të ngrinin një objekt të rëndë mbi kokë, dhe kishin më shumë mundësi të raportonin shenja të dobëta të ekuilibrit tre vjet përpara diagnostikimit.

"Rezultatet sugjerojnë se deri në tre vjet përpara diagnostikimit, njerëzit me Parkinson shfaqin shenja dëmtimi në aktivitetin e përditshëm. Kjo është e rëndësishme, sepse identifikimi i sëmundjes në fazën prodromale mund të lehtësojë ndërhyrjen e hershme për të përmirësuar funksionin", përfundojnë autorët.

"Pavarësisht kufizimeve të këtij studimi, gjetjet mbeten të rëndësishme sepse njerëzit duket se kanë disa shënjues të rënies funksionale përpara se të diagnostikohen me sëmundjen e Parkinsonit. Kjo do të thotë se ne kemi një mundësi potenciale për të menaxhuar më mirë këtë popullatë, me rekomandime specifike për të përmirësuar simptomat më herët", shkruajnë në një editorial të lidhur Ian Bledsoe (Universiteti i Kalifornisë) dhe kolegët.

JAMA Neurology 2022. Doi: 10.1001/jamaneurol.2022.4621
http://doi.org/10.1001/jamaneurol.2022.4621

JAMA Neurology 2022. Doi: 10.1001/jamaneurol.2022.4157
http://doi.org/10.1001/jamaneurol.2022.4157