sht252024
Kanceri i qafës së mitrës. Më shumë se 8 gra nga 10 i mbijetojnë imunoterapisë dhe kimioterapisë
Më shumë se 8 gra me tumor të qafës së mitrës të përparuar në mënyrë lokale me rrezik të lartë nga 10, mbijetojnë 3 vite nga trajtimi imunoterapik me pembrolizumab, i kombinuar me kimioradioterapi bashkëshoqëruese, sipas një studimi të publikuar në the Lancet.
Sipas studimit, imunoterapia me pembrolizumab, e kombinuar me kimioradioterapi (CRT) bashkëshoqëruese, e ka reduktuar me 33% rrezikun për vdekje, krahasuar me vetëm kimion bashkëshoqëruese. Mbijetesa botërore prej 3 vitesh ka arritur në 82.6% tepacientet me diagnozë të re që kanë ndjekur regjim imunoterapeutik, krahasuar me 74.8% për ato që ishin trajtuar vetëm me kimioterapi bashkëshoqëruese. Është hera e parë në më shumë se 20 vjet që shihet përmirësim në mbijetesën botërore nga tumori i qafës së mitrës, të përparuar në mënyrë lokale me rrezik të lartë.
Në Itali, çdo vit, konstatohen afro 2.500 diagnostikime të reja me tumor të qafës së mitrës. "Kjo është një nga shkaqet kryesore të vdekjes nga kanceri te gratë në nivel botëror, por përparimet terapeutike gjatë viteve të fundit nuk kanë treguar përfitime të mëdha në mbijetesën e pacienteve me sëmundje të përparuar në mënyrë lokale me rrezik të lartë. Kombinimi pembrolizumab-kimioradioterapi bashkëshoqëruese ekskluzive shton ndjeshëm, statistikisht dhe klinikisht, mbijetesën botërore te këto paciente. Për herë të parë pas më shumë se 20 vitesh, gjatë së cilave nuk ka pasur përparime reale, ky kombinim ndryshon standardin e trajtimit, i cili deri më tani përfshinte vetëm kimioradioterapinë bashkëshoqëruese", tha autorja kryesore e studimit, Domenica Lorusso.
Zhdukja e sëmundjes, e cila shkaktohet pothuajse gjithmonë nga HPV-ja, Papillomavirusi njerëzor, infeksioni seksualisht i transmetueshëm më i shpeshtë, mund të arrihet vetëm duke investuar në programe parandalimi. Thirrja për veprim nga Organizata Botërore e Shëndetësisë dhe nga Plani Evropian për Luftimin e Kancerit i Komisionit Evropian, synon të eliminojë tumorin e qafës së mitrës dhe të gjitha HPV-ve të lidhura me të brenda vitit 2030. Duhet vepruar në 3 fusha ndërhyrjeje: parandalimi parësor me përmirësimin e mbulimit me vaksina kundër HPV, parandalimi dytësor me depistimin përmes Pap testeve ose testit të HPV-së dhe qasja ndaj trajtimeve të lezioneve ose kancerit të qafës së mitrës.