gus222014

Depresioni, faktor rrisku për demencë?

Një studim i publikuar në Neurology, revista mjekësore e Akademisë Amerikane të Neurologjisë, sqaron marrëdhënien mes demencës dhe depresionit.
"Nga studimet e mëparshme rezulton se njerëzit me simptomat e depresionit kanë më shumë gjasa se subjektet jo-depresivë për të zhvilluar demencë, por natyra e kësaj lidhjeje nuk është sqaruar," fillon Robert Wilson i Universitetit Rush në Çikago, bashkë-autor i këtij artikulli. Pra, depresioni vjen si pasojë e demencës? Apo ato zhvillohen njëkohësisht duke u nisur nga faktorë të përbashkët? Apo depresioni nuk ka fare të bëjë me demencën? " Të dhënat tona tregojnë se lidhja mes simptomave depresive dhe rënies së aftësive njohëse është e pavarur nga ndryshimet e trurit që i detyrohen demencës," rifilloi studiuesi. Në studim morën pjesë 1,764 subjekteve nga Religious Orders Study dhe Rush Memory and Aging Projekting me një moshë mesatare prej 77 vjet dhe pa dëmtim konjitiv apo të kujtesës në momentin e nisjes së projektit. "Për tetë vjet, pjesëmarrësit iu nënshtruan kontrolleve vjetore për të vlerësuar simptomat depresive të tilla si vetmia dhe mungesa e oreksit, dhe për të verifikuar  shfaqjen humbjes së kujtesës dhe deficiteve njohëse."
Një total, 680 njerëz vdiqën gjatë studimit, dhe autopsitë janë kryer në 582 të rasteve në përpjekje për të vlerësuar degjenerimin e parenkimës së trurit, tipik i demencës apo shenjave të tjera të dëmtimit të trurit. Gjatë ndjekjes, 52% e pjesëmarrësve zhvilluan demtim të lehtë të njohjes(MCI), shpesh një prelud për Alzheimer, ndërsa 18%  zhvilluan demencë. Por ajo që ka rëndësi më shumë është se studiuesit nuk kanë zbuluar ndonjë lidhje midis dëmtimit të trurit dhe simptoma depresive. Wilson përfundon: "Këto rezultate janë emocionuese, sepse ato sugjerojnë se depresioni është një faktor i pavarur nga demenca. Me fjalë të tjera, në qoftë se ne jemi në gjendje të identifikojmë, parandalojmë apo trajtojmë depresionin do jemi në gjendje të ndihmomë njerëzit të ruajnë të menduarit dhe kujtesën e tyre me rritjen e moshës. "