Financim 100% nga FSDKSH për ndërhyrjet në zemër në spitalet private

Pas nefrologjisë  miratohen paketat shëndetësore për shërbimin e kardiologjisë  dhe kardiokirurgjisë  që  do të ofrohen në spitalet publike dhe ato private. Fondi i Sigurimit të Detyrueshëm të Kujdesit Shëndetësor ka lidhur kontrata me 5 spitale jo publike të cilat do të mbulojnë  këtë  shërbim me të njëjtën kosto si në spitalin publik. Janë  6 paketa të  kardiologjisë dhe kardiokirugjisë  që  do të  ofrohen me financim  100% nga Fondi i Sigurimit të Detyrueshëm. 1) Bypass koronar 2) Intervente valvolare 3)Intervente kongenitale 4) Pacemaker definitive 5) Angiografi koronare 6) Angioplastikë koronare 

 Drejtori i Fondit të  Sigurimit të  Detyrueshëm Astrit Beci deklaroi se që nga ky moment Fondi është  gati të nisë me financimin për këto paketa shëndetësore në spitalet jopublike. Lidhur me rrugën që  do të  ndjekë  pacienti ai tha se ky shërbim do të  përfitohet sipas një  listë  pritjeje. "Rruga që  duhet të ndjekë  pacienti nis nga zbatimi i sistemit të  referimit për të  patur konsultën e shërbimit përkatës (të nefrologjisë, kardiologjisë, kardiokirurgjisë ose ORL-së). Vendimin në se pacienti ka nevojë  për një  paketë  shërbimi, e merr pikërisht shërbimi përkatës në  QSUT.  Më pas pacienti drejtohet në zyrat e Fondit ku bën regjistrimin",-specifikon Beci. Pacienti fillimisht regjistrohet në institucionet shëndetësore publike në përputhje me kapacitetet e lira të raportuara pranë zyrës së Fondit dhe në rast se, në datën e përcaktuar, nuk ka vende të lira në institucionin shëndetësor publik, atëherë nëpunësi i autorizuar i sektorit bën rregjistrimin e pacientit në mënyrë të barabartë në institucionet shëndetësore private të kontraktuara nga Fondi. Institucionet që do të përfitojnë  fonde për paketat shëndetësore janë :

Spitali Hygeia

Spitali Amerikan

Spitali Gjerman

Spitali Europian i Tiranës
Spitali "Roland Xhaxho"

Grupi i punës i kryesuar nga shefat e shërbimit të  Kardiologjisë  dhe Kardiokirurgjisë  në  QSUT si dhe me pjesëmarrjen edhe të  përfaqësuesve të  spitaleve private ka përcaktuar kostot për secilin shërrbim dhe më  pas çmimin që  do të  paguajë  Fondi për to.

Kostot dhe Çmimet e paketave shëndetësore të  kardiologjisë  dhe kardiokirurgjisë 

Paketat Shëndetësore            Kosto               Çmimi Lekë
1)Pacemaker definitive                   194.072             209.598

2)Angiografi koronare +                   47.459              51.256

kateter zemre 

3)Angioplastika koronare                152.185            164.360

4)Intervent i rivaskulimit 
kirurgjikal                                        333.555            360.239

5) Interventi valvolar                      513 082            554.129

6) Interventi kongenital                  242.900            262.332 

Përgatiti: Alma Demiraj