kor112023
Parandalimi kardiovaskular. Ushqimet që mund të parandalojnë infarktin dhe iktusin
Konsumimi i frutave dhe perimeve, bishtajoreve, arrave, peshkut, produkteve të qumështit dhe drithërave të plota, në sasitë e duhura dhe të kombinuara, ul rrezikun për sëmundje kardiovaskulare si infarkti dhe iktusi. Këto janë zbulimet e një studimi të kryer nga studiuesit e Universitetit McMaster dhe Hamilton Health Sciences në Institutin Shëndetësor të Kërkimit të Popullsisë (PHRI) dhe të botuar në "European Heart Journal".
Ushqimet mbrojtëse, cilat janë dhe sa shpesh duhet të konsumohen
Studimi, i cili përcaktoi dhe përdori rezultatin PURE Healthy Diet Score, një rezultat i krijuar për të parashikuar shkallën e mbijetesës dhe incidencën e infarktit dhe iktusit, zbuloi se konsumi i pakët i ushqimeve të caktuara rrit rrezikun për ngjarje të rënda kardiovaskulare. Për këtë, të dhënat e mbledhura janë përkthyer në një plan ushqimor që tregon sasinë e ushqimit që duhet konsumuar dhe sa shpesh. Ja cilat janë ato:
- 4 ose 5 porcione fruta dhe perime (një mollë, banane ose dardhë, 240 g perime me gjethe; 120 g perime të tjera)
- arra 1 porcion (3 arra ose kikirikë)
- produkte qumështi 2 porcione (240 g qumësht ose kos, 40 g djathë)
- bishtajore 3 ose 4 porcione në javë (240 g fasule ose thjerrëza)
- peshk 2 ose 3 porcione në javë (90 g të gatuar)
- drithëra integrale në sasi të moderuara, një porcion ditor (1 fetë prej rreth 40 g, 75-120 g oriz të zier, elb, hikër, bullgur, polentë ose quinoa)
Një porcion i përditshëm mish i kuq i papërpunuar ose mish shpendësh (90 g i gatuar) mund të jetë gjithashtu pjesë e një diete të shëndetshme.
Në vitin 2019, 18 milionë njerëz në botë vdiqën nga ngjarjet kardiovaskulare si infarkti dhe iktusi
Organizata Botërore e Shëndetësisë vlerëson se rreth 18 milionë njerëz vdiqën nga ngjarjet kardiovaskulare në vitin 2019, duke përbërë 32% të të gjitha vdekjeve globale. Nga këto vdekje, 85% ishin për shkak të infarktit dhe iktusit. Studiuesit e PHRI dhe bashkëpunëtorët e tyre analizuan të dhëna nga studime të shumta, të 245,000 njerëzve në 80 vende të niveleve të ndryshme ekonomike. Krahas karakterit global, ky studim u fokusua ekskluzivisht në ushqimet mbrojtëse apo natyrale.
"Kohët e fundit po i kushtohet një vëmendje e veçantë rritjes së konsumit të ushqimeve mbrojtëse për parandalimin e sëmundjeve. Përveç sasive të mëdha të frutave, perimeve, arrave dhe bishtajoreve, studiuesit kanë treguar se moderimi është çelësi në konsumimin e ushqimeve natyrale", thotë autori kryesor i studimit Andrew Mente.
Konsumimi i peshkut dhe produkteve të qumështit në sasi të moderuara ul rrezikun për sëmundje kardiovaskulare dhe vdekshmëri. Të njëjtat rezultate shëndetësore mund të arrihen nëpërmjet konsumimit të moderuar të drithërave dhe mishit, gjithmonë nësa ato janë drithëra të papërpunuara dhe mish i papërpunuar.
Burimi:
https://academic.oup.com/eurheartj/advance-article/doi/10.1093/eurheartj/ehad269/7192512