Ëmbëlsuesit artificialë dhe ndikimi i tyre në rritjen e rrezikut kardiovaskular

Një studim i publikuar në "Current Opinion in Cardiology" thekson jo vetëm ndikimin negativ të ëmbëlsuesve artificialë në disa faktorë te rrezikut kardiovaskular, duke përfshirë pirjen e duhanit, alkoolit, dietën dhe ushtrimet fizike, por edhe dobitë e kufizuara të këtyre produkteve në kontrollin e peshës së tepërt. Francisco Gómez-Delgado, specialist i Mjekësisë Interne në Spitalin Universitar të Jaen-it dhe autori kryesor i studimit, ka koordinuar një rishikim të përditësuar të provave kryesore shkencore mbi ëmbëlsuesit artificialë: prova që tregojnë se produkte të tilla kanë efekte negative në sistemin kardiometabolik.

"Ëmbëlsuesit artificialë nxisin sekretimin e tepërt të insulinës në pankreas, gjë e cila në afat të gjatë favorizon çrregullimet metabolike që çojnë në diabet. Përdorimi i tyre prodhon atë që ne e njohim si disbiozë, pasi mikrobiota jonë nuk është në gjendje t'i përpunojë këta ëmbëlsues", shpjegon studiuesi, duke shtuar se disbioza shkakton procese specifike patofiziologjike që ndikojnë negativisht në si në sistemin kardiometabolik ashtu edhe në atë kardiovaskular. Lidhur me llojin e ëmbëlsuesit, autorët nënvizojnë se studimet e disponueshëm aktualisht e vlerësojnë konsumin e produkteve dietike, të cilat, në shumicën e rasteve, përfshijnë lloje të ndryshme ëmbëlsuesish artificialë, dhe për këtë arsye nuk është e mundur të përcaktohen ndryshimet specifike midis tyre në lidhje me mënyrën se si ata ndikojnë në shëndetin tonë.

"Ne kemi nevojë për prova të mëtejshme për të qenë që të mund të kuptojmë se cilët lloje ëmbëlsuesish mund të bëjmë pjesë të dietës tonë dhe gjithashtu deri në çfarë mase duhet ta kufizojmë praninë e tyre në ushqimet që ne konsumojmë", shpjegon Gómez-Delgado, duke theksuar se çdo masë e propozuar për të rregulluar konsumin e ëmbëlsuesve artificialë dhe për të ndryshuar legjislacionin aktual duhet të minimizojë sa më shumë konsumin e këtyre produkteve dietike dhe gjithashtu të shmangë shtimin e këtyre ëmbëlsuesve artificialë në ushqime të tilla si kafeja dhe çaji.

"Megjithatë, studime të mëtejshme janë të nevojshme si për të konfirmuar efektet kardiometabolike ashtu edhe për të analizuar në mënyrë individuale llojet e ndryshme të ëmbëlsuesve artificialë", përfundojnë autorët.